بۇگىن اقتاۋ ماڭىندا ازەربايجاننان ۇشىپ شىققان ۇشاق اپاتقا ۇشىرادى. اۋىر اپاتقا بايلانىستى ازەربايجان تاراپىنان ارنايى قۇرىلعان كوميسسيا اقتاۋعا باردى. بۇل تۋرالى ماڭعىستاۋ وبلىسى اكىمدىگىنىڭ ءباسپاسوز قىزمەتى حابارلادى, دەپ جازادى Egemen.kz.
دەلەگاتسيانى ازەربايجاننىڭ توتەنشە جاعدايلار ءمينيسترى باستاپ كەلگەن.
ماڭعىستاۋ وبلىسىنىڭ اكىمى نۇرداۋلەت قيلىباي مەن ازەربايجان ۇكىمەتىنىڭ وكىلدەرى قۇتقارۋ وپەراتسياسى اياسىندا جاسالاتىن ءتيىستى شارالاردى پىسىقتادى. وبلىس اكىمى نۇرداۋلەت قيلىباي زارداپ شەككەن ازاماتتارعا قاجەتتى كومەك كورسەتىلىپ جاتقانىن ايتتى.