اقتاۋدا باكۋدەن گروزنىيعا ۇشقان ۇشاق قۇلاعان جەردەگى ءورت تولىعىمەن ءسوندىرىلدى. وقيعا ورنىنان 12 جولاۋشى اۋرۋحاناعا جەتكىزىلدى, دەپ حابارلايدى Egemen.kz.
دەنساۋلىق ساقتاۋ ۆيتسە-ءمينيسترى قايعىلى وقيعا ورنىنا دەرەۋ شىقتى.
«قازىر ءبىز تراۆماتولوگتار, نەيروحيرۋرگتەر جانە ت.ب. جىبەرۋ ءۇشىن وقيعا ورنىندا سانيتارلىق اۆياتسيا دايىندادىق. ءبىز سول جەردە كومەك كورسەتەمىز», دەدى قر دەنساۋلىق ساقتاۋ ءمينيسترى اقمارال ءالنازاروۆا.
ماڭعىستاۋ وبلىستىق دەنساۋلىق ساقتاۋ باسقارماسىنىڭ حابارلاۋىنشا, اپات بولعان جەردەن 12 ادام, ونىڭ ىشىندە ءبىر بالا ءتۇرلى دەنە جاراقاتتارىمەن وبلىستىق اۋرۋحاناعا جەتكىزىلگەن.
ايتا كەتەيىك, باكۋدەن گروزنىيعا ۇشقان ۇشاق اقتاۋدان ءۇش شاقىرىم جەردە قۇلادى. ءتۇرلى اقپارات كوزدەرىنە سايكەس, بورتتا 67-دەن 110-عا دەيىن ادام بولعان.