«بۋراباي» ۇلتتىق پاركىندە سىلەۋسىن ۆيدەوعا ءتۇسىپ قالدى. ۆيدەو ۇلتتىق پاركتىڭ Instagram-پاراقشاسىندا جاريالاندى, دەپ حابارلايدى Egemen.kz.
«قىستا بۇل كورىكتى ءارى سۇيكىمدى جىرتقىشتى كەزدەستىرۋ – ۇلكەن ساتتىلىك. سەبەبى ولار كوزگە سيرەك كورىنەدى. سىلەۋسىن اشىق ءتۇستى ءجۇنىن پايدالانىپ ورمان پەيزاجىمەن ۇيلەسىپ كەتۋى مۇمكىن. سىلەۋسىندەر جالعىز ءومىر سۇرەدى جانە ءوز اۋماعىن بەلگىلەپ جۇرەدى. قىستا سىلەۋسىندەردىڭ نەگىزگى ازىعى – سۇتقورەكتىلەر, ەلىكتەن باستاپ دالا تىشقاندارىنا دەيىن, اسىرەسە قويانداردى جەيدى», دەيدى پارك قىزمەتكەرلەرى.