دۇنيەجۇزىلىك بانك جول سالاسىن قارجىلاندىرادى

ورتا ءدالىزدىڭ جەز­قاز­عان مەن قارا­عان­دى ارا­سىن­دا­عى ماق­ساتتى بولىگىنە ايتار­لىق­­تاي قارجىنىڭ سالىنۋى ناتي­جەسىندە TRACE جوباسى ۇلتتىق جانە جەر­گىلىكتى كولىك باي­لانىس­تارىن ايتارلىقتاي جاقسارت­پاق. سونىمەن قاتار ساۋدا با­عىت­تارىن دا وڭتايلاندىرا تۇسە­دى. كليماتتىڭ وزگەرۋىنە قولايلى توزىمدىلىك تانىتاتىن مۇنداي جوبالار جەرگىلىكتى ازا­ماتتار ءۇشىن وتە پايدالى بولماق. سە­بە­بى جۇمىس ورنى مەن قىز­مەت­­تەرگە دەگەن قولجەتىمدىلىك اجەپتاۋىر جەڭىلدەيدى. ۇلىتاۋ مەن قاراعاندى وبلىسىنداعى ەكو­نوميكالىق ءوسىم وڭ ناتيجە كور­سەتە باستايدى.

دۇنيەجۇزىلىك بانكتىڭ قازاق­س­تانداعى تۇراقتى وكىلى اندرەي ميحنەۆتىڭ ايتۋىنشا, جوبا كليمات وزگەرىسىن باستى نازارعا الادى جانە جول قۇرىلىسى مەن وعان قىزمەت كورسەتۋ بويىنشا يننوۆاتسيالىق شەشىمدەردى ەنگىزەدى. جول قۇرىلىسىنا ال­دىڭ­­عى قاتارلى ماتەريالدار پاي­­دا­­لانىلادى, سونىمەن بىرگە, قار مەن بۇرقاسىنعا قالقان بولار قۇ­رىلىستار تۇرعىزىلىپ, سۋ تاس­قى­نىنىڭ الدىن الاتىن شارالار دا قاراستىرىلادى.

TRACE جوباسى جوباعا ايەل­دەردىڭ قاتىسۋىن دا قامتا­ماسىز ەتپەك. ولارعا جول سەكتورىندا جۇمىس ورنى مەن تاجىريبەدەن ءوتۋ مۇمكىندىگىن ۇسىنىپ, كاسىبي تەڭسىزدىكتى تومەندەتۋگە كۇش سالادى.

«ينفراقۇرىلىمعا ينۆەس­تيتسيالارمەن قاتار, جوبانىڭ قىزمەتى كەلىسىمشارتتار مەن تەحنيكالىق قىزمەت كورسەتۋدىڭ تيىمدىلىگىن وڭتايلاندىرۋعا, سونداي-اق جەكە ينۆەستيتسيالاردى تارتۋدى كوزدەيتىن رەفور­مالارعا باعىتتالعان. جوبا سونىمەن قاتار ءوسىپ كەلە جات­قان كولىك قۇرالدارىنىڭ شىعا­رىن­دى­لا­رىنان تۋىندايتىن ماسە­لە­لەر­دى شەشۋگە جانە تۇراق­تى­لىق پەن قاۋىپسىزدىككە باعىت­تالعان جولداردى جوبالاۋ­دىڭ زاماناۋي ستاندارتتارىن ازىر­لەۋ­گە نەگىزدەلگەن», دەيدى جوبا دايىن­دىعى توبىنىڭ جەتەكشىسى نيدجات ۆاليەۆ.

باستامانى ۇكىمەتتىڭ مەملە­كەت­­تىك كەپىلدىگىن الا وتى­رىپ «قاز­اۆتو­جول» ۇلتتىق كوم­­پا­نيا­سى جۇزەگە اسىرماق. دۇ­نيە­­جۇزىلىك بانك پەن ازيا ينفرا­­قۇ­رىلىمدىق ينۆەستيتسيا بانكى بىر­لەسە اتقاراتىن جوبانى 2032 جىلدىڭ 30 ماۋ­­سىمىندا اياقتاۋ جوسپارلانىپ وتىر.