2023 جىلدىڭ جازىندا جەر كوميسسياسى قاراعاندى وبلىسى, بۇقار جىراۋ اۋدانىنىڭ اكىمدىگى شارۋا قوجالىعى وتكىزگەن كونكۋرستىڭ جەڭىمپازىن انىقتاپ, 247 گا جەر تەلىمىن 10 جىلعا جالعا بەرۋ شارتى جاسالعان, دەپ جازادى Egemen.kz.
كونكۋرس قاتىسۋشىسى ۇپاي ەسەپتەۋ تارتىپكە ساي جۇرگىزىلمەگەنىن ايتىپ, سوتقا شاعىمدانعان. مامانداندىرىلعان اۋدانارالىق اكىمشىلىك سوتى كونكۋرستى وتكىزۋ كەزىندە جەر زاڭناماسىن بۇزۋ فاكتىلەرى بولماعانىن نەگىزگە الىپ, تالاپ قويۋدى قاناعاتتاندىرۋدان باس تارتقان.
اپەللياتسيانى زاڭسىز دەپ تانىپ, كوميسسيانىڭ شەشىمى مەن اكىمنىڭ شارۋا قوجالىعىنا ۇزاق مەرزىمدى جەر پايدالانۋ قۇقىعىن بەرۋ تۋرالى قاۋلىسىنىڭ كۇشىن جويدى.
وبلىستىق سوت اكىمگە قىزىلقايىڭ اۋىلدىق وكرۋگىندە جالعا بەرۋ قۇقىعى بويىنشا كونكۋرستىڭ قورىتىندىسىن قايتا قاراۋدى مىندەتتەگەن.
اۋدان اكىمى بۇل شەشىمگە كاسساتسيالىق تارتىپتە شاعىم تۇسىرگەن.
جوعارعى سوتتىڭ اكىمشىلىك ىستەر جونىندەگى سوت القاسى ءىستى قاراپ, كوميسسيا وتىرىسىنىڭ بەينەجازباسىنان كوميسسيا مۇشەلەرىنىڭ نەگىزگى نەمەسە قوسىمشا ۇپايلاردى بەرۋ بويىنشا داۋىس بەرمەگەنىن انىقتادى.
ال كوميسسيا توراعاسى كونكۋرسقا قاتىسۋشىلارعا ءوزى بولگەن.
جەر كودەكسىنە جانە شارۋا قوجالىعىن جۇرگىزۋگە جالعا بەرۋ قۇقىعىن بەرۋگە كونكۋرستى ۇيىمداستىرۋ جانە وتكىزۋ قاعيدالارىنا سايكەس بەلگىلى ءبىر اۋداندا, قالادا, اۋىلدا, ەلدى مەكەندە 5 جىلدان كەم ەمەس تۇراتىندارعا قوسىمشا 10 بالل بەرىلەدى.
كونكۋرس كەزىندە ونىڭ وتباسى قاراعاندىدا تىركەلگەنىن ەسكەرىپ, وعان نەگىزسىز قوسىمشا 10 ۇپاي بەرىلىپ, ول جەڭىمپاز دەپ تانىلعان.
وسىعان بايلانىستى جوعارعى سوت اتالعان ءىس بويىنشا وبلىستىق سوتتىڭ قاۋلىسىن كۇشىندە قالدىردى, ال اۋدان اكىمىنىڭ شاعىمىن ورىنسىز دەپ تاپتى.