الماتى وبلىسى اكىمىنىڭ وكىمىمەن جاندوس قانات ۇلى اقىل 2024 جىلعى 20 جەلتوقسانىنان باستاپ الماتى وبلىسى تسيفرلىق تەحنولوگيالار باسقارماسىنىڭ باسشىسى لاۋازىمىنا تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
جاندوس قانات ۇلى 1996 جىلى دۇنيە كەلگەن. 2018 جىلى حالىقارالىق اقپاراتتىق تەحنولوگيالار ۋنيۆەرسيتەتىن «اقپاراتتىق جۇيەلەر» ماماندىعى, 2021 جىلى ءىلياس جانسۇگىروۆ اتىنداعى جەتىسۋ ۋنيۆەرسيتەتىن «قارجى» ماماندىعى بويىنشا بىتىرگەن.
ەڭبەك جولىن الماتى وبلىسى اكىمى اپپاراتىنىڭ «اقپاراتتىق تەحنولوگيالار ورتالىعى» كوممۋنالدىق مەملەكەتتىك مەكەمەسىنىڭ ينجەنەرى بولىپ باستاعان.
ءار جىلدارى «الماتى وبلىسى تسيفرلىق تەحنولوگيالار باسقارماسى» مەملەكەتتىك مەكەمەسىنىڭ باس مامانى, ءبولىم باسشىسى, باسقارما باسشىسىنىڭ ورىنباسارى, الماتى وبلىسى اكىمى اپپاراتىنىڭ جوبالىق كەڭسە جانە مەملەكەتتىك قىزمەتتەر مونيتورينگى ءبولىمىنىڭ باسشىسى بولىپ جۇمىس ىستەگەن.
2024 جىلدىڭ قازان ايىنان قازىرگى ۋاقىتقا دەيىن الماتى وبلىسى اكىمى اپپاراتىنىڭ ۇيىمداستىرۋ-ينسپەكتورلىق جۇمىس ءبولىمىنىڭ باس ينسپەكتورى لاۋازىمىندا قىزمەت ەتكەن.