20 جەلتوقساندا ءىرى كولەمدە الاياقتىق جاساعانى ءۇشىن ءىىم ينتەرپول ۇلتتىق ورتالىق بيۋروسىمەن حالىقارالىق ىزدەۋگە جاريالانعان 37 جاستاعى ەر ادام بىرىككەن اراب امىرلىكتەرىنەن قازاقستانعا جەتكىزىلدى, دەپ جازادى Egemen.kz.
2020-2021 جىلدار ارالىعىندا ول مەملەكەتتىك ورگاندارعا جۇمىسقا كىرۋگە كومەكتەسۋ سىلتاۋىمەن ەل ازاماتتارىنىڭ قاراجاتىن يەمدەنگەن. اقشانى العاننان كەيىن كۇدىكتى رەسپۋبليكا اۋماعىنان كەتىپ قالعان.
وسى جىلدىڭ قاڭتار ايىندا ءىىم ينتەرپولىنىڭ سۇراۋىمەن كۇدىكتى دۋبايدا ۇستالدى. ءباا-ءنىڭ قۇزىرەتتى ورگاندارى ونى ءبىزدىڭ ەلگە جىبەرۋ تۋرالى شەشىم قابىلدادى.
ۇستالعان ادام ءىىم ءاتد قىزمەتكەرلەرىمەن قاماۋعا الىندى.