باتىس قازاقستان وبلىسى جانىبەك اۋدانىنىڭ پروكۋراتۋراسى اۋداندىق اۋرۋحانانىڭ زاڭدىلىعىنىڭ جاي-كۇيىن تالداۋ بارىسىندا جارامدىلىق مەرزىمى ءوتىپ كەتكەن تەحنيكالىق تەكسەرۋ تۋرالى سەرتيفيكاتتارمەن جۇرگەن 10 كولىك,سونداي-اق مىندەتتى ساقتاندىرۋ ءپوليسىنسىز جۇرگەن 3 كولىكتى انىقتادى, دەپ حابارلايدى Egemen.kz.
وسى جاعداي مەديتسينا قىزمەتكەرلەرىنىڭ, ناۋقاستاردىڭ جانە حالىقتىڭ ءومىرى مەن دەنساۋلىعىنا قاۋىپ توندىرگەن.
«اتالعان فاكتىلەر بويىنشا اۋداندىق پروكۋراتۋرا كىنالى تۇلعالاردى قر «اكىمشىلىك قۇقىق بۇزۋشىلىقتار تۋرالى» كودەكسىنىڭ 590-بابىنىڭ 8-بولىگىنە (جولاۋشىلاردى, باگاجدى اۆتوموبيلمەن تۇراقتى نەمەسە تۇراقتى ەمەس تاسىمالداۋدى, سونداي-اق جۇكتەردi تاسىمالداۋدى جۇزەگە اسىرۋ كەزiندە رەيس الدىنداعى (اۋىسىم الدىنداعى) تەحنيكالىق قاراپ-تەكسەرۋدەن وتپەگەن اۆتوكولiك قۇرالدارىن پايدالانۋعا شىعارۋ, سونداي-اق رەيس الدىنداعى (اۋىسىم الدىنداعى) مەديتسينالىق قاراپ-تەكسەرۋدەن وتپەگەن جۇرگiزۋشiنiڭ باسقارۋىنا رۇقسات بەرۋ) جانە 230-بابىنىڭ 2-بولىگىنە سايكەس (قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭنامالىق اكتىسىنە سايكەس مىندەتتى ساقتاندىرۋ شارتىن جاساسۋعا مىندەتتى تۇلعانىڭ مىندەتتى ساقتاندىرۋ شارتىن جاساسپاۋى) اكىمشىلىك جاۋاپكەرشىلىككە تارتتى», دەلىنگەن حابارلامادا.
بۇگىنگى كۇنى زاڭ بۇزۋشىلىقتار جويىلىپ, ايىپپۇل تولىعىمەن وتەلگەن.