18 جەلتوقسان كۇنى ەلوردادا 30-دان استام شىرشانىڭ شامى ءبىر مەزەتتە جاعىلدى. تاڭعاجايىپ ءساتتى قالانىڭ 15 مىڭعا جۋىق تۇرعىنى تاماشالادى, دەپ جازادى Egemen.kz.
باس قالاداعى ەڭ بيىك شىرشا - 25 مەتر. مۇنداي شىرشالار «استانا ارەنا» الاڭى مەن «قازاق ەلى» مونۋمەنتى ماڭىندا بوي تىكتەدى.
بارلىق شىرشا ماڭىندا جاڭا جىلدىق فوتوايماقتار, ارحيتەكتۋرالىق نىساندار, مۇز ايدىنى مەن سىرعاناقتار جاساقتالعان.
شىرشا شامىن سالتاناتتى جاعۋ راسىمىندە كەلۋشىلەرگە ارناپ قايرات باەكەنوۆ, رينات مالتساگوۆ, AYREE, بالالار حورى مەن بي ۇجىمدارى ونەر كورسەتتى.
نۇرا اۋدانىنداعى سەگىز ايماقتا شىرشا شامى جاعىلدى. بەزەندىرىلگەن شىرشالار ورتالىق ساياباقتا, «زەلەنىي كۆارتال» تك سكۆەرىندە, ۇركەر تۇرعىن الابىنداعى ايعىرجال سكۆەرىندە, «سارىارقا», «كەرۋەن سيتي», «ازيا پارك», «حان شاتىر» جانە «ايلاند» ساۋدا-ويىن-ساۋىق ورتالىقتارىنىڭ جانىندا جانە سىعاناق پەن ش.ايتماتوۆ كوشەلەرىنىڭ قيىلىسىندا ورنالاسقان.
سارايشىق اۋدانىنداعى قازاق ەلى الاڭىندا شىرشا شامىن جاعۋ كەزىندە قالا تۇرعىندارى ءۇشىن مەرەكەلىك باعدارلاما, ءتۇرلى ويىندار ۇيىمداستىرىلدى. مۇندا 2 مۇز ايدىنى, ەكى ساۋلەسى بار سىرعاناق, بيىكتىگى 25 مەترلىك شىرشا, شاعىن ارحيتەكتۋرالىق نىساندار مەن جارىق-ليۋميناتسيالىق پانو بار.
سونداي-اق سارايشىق اۋدانىنداعى «نۇرلى جول» تەمىرجول ۆوكزالى ماڭىندا جاڭا جىلدىق شىرشا شامى جاعىلدى.
الماتى اۋدانىندا جاڭا جىلدىق شىرشالار شامى تاۋەلسىزدىك داڭعىلىنداعى وقۋشىلار سارايىنىڭ اۋماعىندا, «Sana Sport» سپورت كەشەنىنىڭ اۋماعىندا, رىسقۇلبەكوۆ كوشەسىندەگى «الما» ساياباعىندا, Astana Music Hall (قۇمىرا) ماڭىندا جانە قوشقارباەۆ داڭعىلى, 80/1 مەكەنجايىندا جاعىلدى.
ەسىل اۋدانىندا, ەكسپو اۋماعىندا 23 مەترلىك شىرشا دا جارقىراپ تۇر. شىرشا 4000-نان استام ويىنشىقپەن بەزەندىرىلگەن, ولاردىڭ ىشىندە ديامەترى 15-تەن 40 سم-گە دەيىنگى شارلار, گيرلياندالار جانە ت.ب. بار. الاڭدا سىرعاناقتار مەن مۇز ايدىنى جاساقتالعان. ەلوردا تۇرعىندارى مەن قوناقتارى شاعىن ارحيتەكتۋرالىق نىسانداردىڭ فونىندا ەرتەگى كەيىپكەرلەرىنىڭ جانىندا سۋرەتكە تۇسە الادى.
بايقوڭىر اۋدانىندا جاڭا جىلدىق شىرشالار مىنا ورىنداردا بەزەندىرىلدى: جاستار سارايىنىڭ اۋماعى, ك.اتاتۇرىك اتىنداعى ساياباق, ج.تاشەنوۆ كوشەسىندە, ءوندىرىس تۇرعىن الابىندا (اقبيداي مەن كەمەنگەر ۇلى كوشەلەرىنىڭ قيىلىسى) جانە كيرپيچنىي تۇرعىن الابىندا (چەحوەۆ جانە جولىمبەت كوشەلەرىنىڭ قيىلىسى), «قوياندى» ساياجاي الابى. سونىمەن قاتار, اۋداندا كەنشىلەر, 5 جانە دوسمۇحامەد ۇلى, 6 مەكەنجايلارى بويىنشا بەس مەترلىك ەكى شىرشا ورناتىلدى.
سارىارقا اۋدانىندا ءارتۇرلى بيىكتىكتەگى 3-تەن 18 مەترگە دەيىنگى التى شىرشانىڭ شامى جارقىراپ تۇر. ولار مىنا مەكەنجايلاردا ورناتىلعان: قالالىق الاڭ, بوگەنباي باتىر داڭعىلى, 43 مەكەنجايىنداعى سكۆەر, «كوكتال» ساياباعى, ەسىل وزەنىنىڭ جاعاسى جانە يۋبيلەينايا كوشەسى, 22.