2017 جىلدىڭ ناۋرىز ايىندا تەكەلى قالاسىنىڭ ۋچاسكەلىك پوليتسيا ينسپەكتورى 24 ملن تەڭگەنىڭ ۇرلىعىنا قاتىستى دەرەك رەتىندە الىنعان زاتتاردى ۇرلاعان, دەپ جازادى Egemen.kz.
جەتىسۋ وبلىسىنىڭ ارنايى پروكۋرورلارى تەكەلى قالاسىنىڭ ۋچاسكەلىك پوليتسيا ينسپەكتورىنا قاتىستى ءىستى سوڭىنا جەتكىزدى.
قىلمىس جاساعاننان كەيىن پوليتسيا قىزمەتكەرى 7 جىل بويى حالىقارالىق ىزدەۋدە بولعان.
ونىڭ سىبايلاستارى ءارتۇرلى مەرزىمگە باس بوستاندىعىنان ايىرىلعان.
سوت پوليتسيا قىزمەتكەرىن قر قك-ءنىڭ 362-بابىنا سايكەس (بيلىكتى نەمەسە لاۋازىمدىق وكىلەتتىكتەرىن اسىرا پايدالانۋ) كىنالى دەپ تاۋىپ, 5 جىل 6 ايعا باس بوستاندىعىنان ايىرۋ جازاسىن تاعايىندادى.
سوت ۇكىمى كۇشىنە ەندى.