جەتىسۋ وبلىسىندا اۋا رايى كۇرت ناشارلاپ, قاتتى بوران, بۇرقاسىن, نولدىك كورىنۋگە بايلانىستى بىرنەشە توتەنشە جاعداي تىركەلگەن. تجم قۇتقارۋشىلارى وتكەن تاۋلىكتە قار قۇرساۋىندا قالعان كولىكتەردەن 136-دان استام ادامدى جەدەل ەۆاكۋاتسيالاعان, دەپ حابارلايدى Egemen.kz.
ۆاحتوۆكا جانە «ترەكول» جول تالعامايتىن كولىكتەرىنىڭ كومەگىمەن قۇتقارۋشىلار ىرعايتى ۋچاسكەسىندە 1 جەڭىل كولىك پەن 30 جۇك كولىگىنەن 40-تان استام ادامدى ءۇشارال قالاسىنا جەتكىزگەن. اراسىندا 28 شەتەلدىك بولعان, ولار بەلارۋس, قحر, ازەربايجان, رەسەي ازاماتتارى. ەشكىم مەديتسينالىق كومەكتى قاجەت ەتپەگەن.
بۇدان بولەك, ىرعايتى مەن جالاڭاشكول اراسىندا 26 جۇك كولىگى جۇرگىزۋشىلەرى كوكتۇما اۋىلىنا ەۆاكۋاتسيالانىپ, ولارعا جەرگىلىكتى اتقارۋشى ورگاندار ىستىق تاماق ۇيىمداستىرعان.
تاعى ءبىر ءىرى قۇتقارۋ وپەراتسياسى جۇرگىزىلدى. دوستىق ستانتسياسىنداعى №10 ءورت ءسوندىرۋ ءبولىمىنىڭ كۇشىمەن 2 جەڭىل جانە 19 جۇك كولىگىنەن 69 ادام, ونىڭ ىشىندە الاكول شەكارا باسقارماسىنىڭ 20 اسكەري قىزمەتكەرى ەۆاكۋاتسيالانعان. زارداپ شەككەندەر دوستىق ستانتسياسىنا جەتكىزىلدى.
تجم ازاماتتاردى داۋىلدى ەسكەرتۋلەرگە نازار اۋدارۋعا جانە اۋا رايى كۇرت ناشارلاعان جاعدايدا ساپارعا شىقپاۋعا شاقىرادى.