ءماجىلىس زاعيپتاردىڭ جانە كورۋ قابىلەتى بۇزىلعان نەمەسە باسپا اقپاراتىن قابىلداۋ قابىلەتى وزگەدەي شەكتەلگەن ادامداردىڭ جاريا ەتىلگەن تۋىندىلارعا قول جەتكىزۋىن جەڭىلدەتۋ تۋرالى مارراكەش شارتىن راتيفيكاتسيالادى. قۇجاتقا 2013 جىلى 27 ماۋسىمدا مارراكەش قالاسىندا قول قويىلعان, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
شارتتىڭ نەگىزگى ەرەجەلەرىندە ونىڭ قاتىسۋشىلارى جاريالانعان تۋىندىلاردى قولجەتىمدى فورماتتاردا كوبەيتۋ, تاراتۋ جانە ولارعا جاريا قول جەتكىزۋى ءۇشىن اۆتورلىق قۇقىقتار سالاسىنداعى شەكتەۋلەر مەن ەرەكشەلىكتەر بەلگىلەنگەن.سونىمەن قاتار ارنايى ۋاكىلەتتى ورگانداردىڭ قىزمەتى ارقىلى باسپا اقپاراتىن قابىلداۋ ءۇشىن كورۋ قابىلەتى بۇزىلعان نەمەسە باسقا دا قابىلەتتەرى شەكتەلگەن ادامدارعا قولجەتىمدى فورماتتاردا تۋىندىلارمەن ترانسشەكارالىق الماسۋدى جۇزەگە اسىرۋ قاراستىرىلعان.مارراكەش شارتىنىڭ ەرەجەلەرى اۋديوكىتاپتارمەن قوسا كەز كەلگەن باق-تا جاريالانعان نەمەسە باسقا جولمەن كوپشىلىككە قولجەتىمدى ءماتىن, نوتالىق جازبا سەكىلدى يلليۋستراتسيالار تۇرىندەگى تۋىندىلارعا قولدانىلادى.شارتتى راتيفيكاتسيالاۋ كورۋ قابىلەتى بۇزىلعان نەمەسە باسقا دا قابىلەتتەرى شەكتەلگەن ادامدارعا كىتاپتارعا, جۋرنالدارعا, وقۋ ماتەريالدارىنا قولجەتىمدىلىكتى كەڭەيتۋگە جانە قوعامنىڭ مادەني, الەۋمەتتىك ومىرىنە تەڭ قول جەتكىزۋىن قامتاماسىز ەتۋگە مۇمكىندىك بەرەدى.