1 جەلتوقساننان باستاپ قازاقستانداعى بارلىق جۇرگىزۋشىلەر قىسقى دوڭگەلەكتەرمەن جۇرۋگە مىندەتتى. جول قوزعالىسى ەرەجەلەرىنە سايكەس, قىستا جازعى دوڭگەلەكتەردى پايدالانۋعا تىيىم سالىنادى جانە ەرەجە بۇزعانى ءۇشىن 2024 جىلى 18 460 تەڭگەنى قۇرايتىن 5 اەك كولەمىندە ايىپپۇل سالىنادى, دەپ حابارلايدى Egemen.kz.
الماتىدا جەلتوقسان ايىنىڭ باسىنان بەرى ينسپەكتورلار جازعى دوڭگەلەكتى قىسقىعا اۋىستىرماعان 53 ءتارتىپ بۇزۋشىنى انىقتاعان. جۇرگىزۋشىلەرگە سالىنعان ايىپپۇلدىڭ جالپى سوماسى 978 380 تەڭگەنى قۇرادى.
ەلوردالىق ينسپەكتورلار ءتۇسىندىرۋ جۇمىستارىن جۇرگىزىپ, كوپ جاعدايدا ەسكەرتۋمەن شەكتەلگەن. دەگەنمەن, پوليتسەيلەر بۇل حابارلاندىرۋدى ارتتىرۋعا باعىتتالعان ۋاقىتشا شارا ەكەنىن اتاپ ءوتتى. الداعى ۋاقىتتا ەرەجە بۇزعان جاعدايدا جۇرگىزۋشىلەرگە تولىق كولەمدە ايىپپۇل سالىنادى.
سونىمەن قاتار شىعىس قازاقستان وبلىسىندا وسى ۋاقىت ارالىعىندا 42 جۇرگىزۋشىگە ايىپپۇل سالىنىپ, ايىپپۇل سوماسى 775 320 تەڭگەگە جەتكەن.