قازاقستانداعى زەينەتاقىنىڭ ورتاشا مولشەرى بەلگىلى بولدى

جىل باسىنان بەرى رەسپۋبليكالىق بيۋدجەتتەن 3 تريلليون 436,4 ميلليارد تەڭگە زەينەتاقى تولەنسە, ونىڭ 1 تريلليون 81,9 ميلليارد تەڭگەسى بازالىق زەينەتاقىنى تولەۋگە, ال 2 تريلليون 354,5 ميلليارد تەڭگەسى ىنتىماقتى زەينەتاقى ءۇشىن بولىنگەنى حابارلاندى. 

2024 جىلدىڭ 1 جەلتوقسانىنداعى جاعداي بويىنشا زەينەتكەرلەر سانى 2 ميلليون 428 مىڭ ادامدى قۇراعان.

«2024 جىلعى 1 جەلتوقسانداعى جاعداي بويىنشا زەينەتاقىنىڭ ورتاشا مولشەرى 131 556 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 88 967 تەڭگە, بازالىق زەينەتاقى – 42 589 تەڭگە», دەلىنگەن حابارلامادا.

ايتا كەتەيىك, قاراشادا زەينەتاقىنىڭ ورتاشا مولشەرى 131 730 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 89 122 تەڭگە, بازالىق زەينەتاقى – 42 608 تەڭگە.