قاسىم-جومارت توقاەۆ حالىقارالىق وليمپيادا كوميتەتىنىڭ سپورت ديرەكتورى كيت ماككوننەللدى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋدە قازاقستاننىڭ ۇلتتىق وليمپيادا كوميتەتى مەن حوك اراسىنداعى ءوزارا ىقپالداستىق پەرسپەكتيۆاسى تالقىلاندى.
پرەزيدەنت وليمپيادا ويىندارىنىڭ قۇندىلىقتارىن دارىپتەۋدە جانە اتلەتتەردى قولداۋدا حالىقارالىق وليمپيادا كوميتەتىنىڭ ماڭىزدى ءرول اتقاراتىنىن اتاپ ءوتتى.
مەملەكەت باسشىسى وتاندىق سپورتتى جانە حالىقارالىق سەرىكتەستىكتى دامىتۋ ماقساتىندا ەلىمىزدىڭ ۇيىممەن ىنتىماقتاستىقتى ودان ءارى نىعايتۋعا دايىن ەكەنىن جەتكىزدى.
كيت ماككوننەلل قازاقستان سپورت قاۋىمداستىعىنىڭ وليمپيادا قوزعالىسىن ناسيحاتتاۋ ىسىنە قوسقان ۇلەسىن جوعارى باعالادى. سونداي-اق ول ۇلتتىق قۇرامانىڭ حالىقارالىق جارىستاردا تابىسقا جەتۋىنە تىلەكتەستىك ءبىلدىردى.