رەسپۋبليكالىق بيۋدجەتتە 20,8 تريلليون تەڭگە شىعىستار جاسالعان, بۇل رەتتە الەۋمەتتىك باعىتتى ساقتاۋعا باسىمدىق بەرىلگەن. بۇل تۋرالى قارجى ۆيتسە-ءمينيسترى ەرجان ءبىرجانوۆ مالىمدەدى, دەپ حابارلايدى Egemen.kz.
ونىڭ ايتۋىنشا, مەملەكەتتىك بيۋدجەت شىعىستارى 94 پايىزعا, رەسپۋبليكالىق بيۋدجەت 96 پايىزعا, جەرگىلىكتى بيۋدجەت 92 پايىزعا ورىندالعان.
«مەملەكەت نەگىزگى الەۋمەتتىك مىندەتتەمەلەرىن ورىندادى: 5,2 ترلن تەڭگە زەينەتاقى مەن جاردەماقى; وڭىرلەرگە سۋبۆەنتسيالار – 4,8 ترلن تەڭگە; مىندەتتى مەديتسينالىق ساقتاندىرۋ قورىنىڭ نىسانالى جارناسى 1,6 ترلن تەڭگەنى قۇرايدى», دەدى قارجى ۆيتسە-ءمينيسترى.
سونداي-اق جەرگىلىكتى بيۋدجەت شىعىستارى - 13 ترلن. شىعىنداردىڭ نەگىزگى ۇلەسى الەۋمەتتىك سالاعا – 6,6 تريلليون تەڭگە, تۇرعىن ءۇي-كوممۋنالدىق شارۋاشىلىققا – 1,9 تريلليون تەڭگە, كولىك جانە كوممۋنيكاتسياعا – 1,2 تريلليون تەڭگە جانە اۋىل شارۋاشىلىعىنا – 750 ميلليارد تەڭگە باعىتتالعان.
بۇعان دەيىن پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ وسى جىلدىڭ قاڭتار-قازان ايلارىندا سىرتقى ساۋدا اينالىمى $68,5 ملرد, ونىڭ ىشىندە وڭدەلگەن تاۋارلار ەكسپورتى 23,3 ملرد دوللاردى قۇراعانىن حابارلاعان ەدى.