بۇگىن ۆانۋاتۋ جاعالاۋىندا ماگنيتۋداسى 7,3 بولاتىن كۇشتى جەر سىلكىنىسى بولىپ, ەل استاناسى پورت-ۆيلا زارداپ شەكتى, دەپ حابارلايدى Egemen.kz DW سايتىنا سىلتەمە جاساپ.
جەر استى دۇمپۋلەرى بىرقاتار نىساندارعا ايتارلىقتاي زيان كەلتىرگەن. ۇلىبريتانيا, فرانتسيا جانە جاڭا زەلانديا ديپلوماتيالىق وكىلدىكتەرى ورنالاسقان عيماراتتاردىڭ ءبىرى قاتتى زاقىمدانعان. الەۋمەتتىك جەلىدە جاريالانعان بەينەجازبالاردان عيماراتتىڭ توقتاپ تۇرعان كولىكتەردىڭ ۇستىنە قۇلاپ, جولداردى جاۋىپ جاتقان كوشكىندەرى كورسەتىلگەن.
جەر سىلكىنىسىنەن كەيىن بىردەن تسۋنامي تۋرالى ەسكەرتۋ جاريالانعان, بىراق ەكى ساعاتتان كەيىن ەسكەرتۋ الىنىپ تاستالعان. دەگەنمەن, ايماقتا سۋ تاسقىنىنان 30 سانتيمەترگە دەيىنگى شاعىن تولقىندار كۇتىلەدى.
بيلىك زيان شەككەن ايماقتاردىڭ اۋقىمىن باعالاپ, ىزدەستىرۋ-قۇتقارۋ جۇمىستارىن جۇرگىزىپ جاتىر.
العاشقى جەر سىلكىنىسىنەن كەيىن بىرنەشە ساعات وتكەن سوڭ, ءدال سول ايماقتا ماگنيتۋداسى 5,5 باللدىق ءدۇمپۋ بولعان.
ايتا كەتەيىك, ۆانۋاتۋ - 330 مىڭعا جۋىق حالقى بار 80 ارالدان تۇراتىن تىنىق مۇحيتىنداعى مەملەكەت. بۇل ايماق جەر سىلكىنىسى مەن جانارتاۋ اتقىلاۋى ءجيى بولاتىن تىنىق مۇحيتىنىڭ ءورت ساقيناسىندا ورنالاسقان.