وبلىستىق پروكۋراتۋرانىڭ ۇيلەستىرۋىمەن 1 جەلتوقساندا الماتى وبلىسىندا ورنالاسقان ەسىرتكى زەرتحاناسى انىقتالدى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
ەسىرتكى زاتتارى مەن ولاردى وندىرۋگە ارنالعان قۇرال-جابدىقتار تاركىلەنگەن.
«23 قاراشادا قوستاناي وبلىسىنان ەسىرتكى ساتۋعا كەلگەن تۇلعالار ۇستالدى. اقتوبە وبلىسىنان ساۋدا ارناسى توقتاتىلدى. ۇيلەستىرۋ كەڭەسىنەن كەيىن بارلىعى 50-دەن استام سوتقا دەيىنگى تەرگەپ-تەكسەرۋ باستالىپ, 4 فيتولابوراتوريا انىقتالدى», دەلىنگەن حابارلامادا.
سونىمەن قاتار «ناشاقورلىققا جول جوق» جوباسى اياسىندا 350-دەن استام ەسىرتكى جارناماسى جويىلعان.
ەستەرىڭىزگە سالا كەتەيىك, 29 قازاندا باتىس قازاقستان وبلىسىنىڭ پروكۋراتۋراسىمەن ەسىرتكىگە قارسى ءىس-قيمىل ماسەلەلەرى بويىنشا زاڭدىلىقتى, قۇقىقتىق ءتارتىپتى جانە قىلمىسكەرلىككە قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسى وتكىزىلگەن ەدى.