سۋ رەسۋرستارى جانە يرريگاتسيا مينيسترلىگىنىڭ ءمالىم ەتۋىنشە, بيىل سۋ سالاسىنىڭ 500-دەن استام قىزمەتكەرى مامانداندىرىلعان ورتالىقتاردا بىلىكتىلىك ارتتىرۋ كۋرستارىنان ءوتتى. بۇل باستاپقى جوسپاردان 12%-عا ارتىق, دەپ حابارلايدى Egemen.kz.
«بولاشاق» باعدارلاماسىنا وزگەرىستەر ەنگىزىلىپ, وعان سۋ سالاسى ماماندىقتارى قوسىلىپ, قازاقستان ستۋدەنتتەرى شەتەلدە ءبىلىم الۋ مۇمكىندىگىنە يە بولدى.
سۋ شارۋاشىلىعى سالاسىنا جاس مامانداردى تارتۋ جانە قىزمەتكەرلەردىڭ بىلىكتىلىگىن ارتتىرۋ – مينيسترلىك جۇمىسىنىڭ باسىم باعىتتارىنىڭ ءبىرى.
«بيىل 9 جوعارى وقۋ ورنىمەن ىنتىماقتاستىق تۋرالى مەموراندۋمعا قول قويىلىپ, ناتيجەسىندە, 80 ستۋدەنت «قازسۋشار» فيليالدارىندا وندىرىستىك تاجىريبەدەن ءوتتى. بۇدان بولەك, شەتەلدىك ارىپتەس ۋنيۆەرسيتەتتەرمەن قوس ديپلومدىق جانە بىرلەسكەن ءبىلىم بەرۋ باعدارلامالارىن دامىتۋ جونىندە ءىس-شارالار ۇيىمداستىرىلدى», دەدى قر سريم عىلىم جانە يننوۆاتسيالار دەپارتامەنتىنىڭ ديرەكتورى ءمۇسلىم جيەنباەۆ.