سايلاۋ قورىتىندىسى بويىنشا تالعار قالاسىنىڭ جاڭا اكىمى قىزمەتىنە ارىستانبەك ابىلقايىر ۇلى تاعايىندالدى, دەپ حابارلايدى Egemen.kz.
تالعار اۋداندىق اۋماقتىق سايلاۋ كوميسسياسىنىڭ مالىمەتىنشە, ارىستانبەك ابىلقايىر ۇلىنا 9071 سايلاۋشى داۋىس بەرگەن.
«15 جەلتوقساندا تالعاردا قالا اكىمىنىڭ سايلاۋى ءوتتى. قالاداعى سايلاۋشىلار تىزىمىنە 42 774 ادام كىردى, ونىڭ 12 875-ءى سىرتتاي داۋىس بەرۋ ارقىلى داۋىس بەردى, 24-ءى داۋىس بەرۋگە ارنالعان ءۇي-جايلاردان تىس جەردە بولدى», دەپ حابارلادى اسك.
تالعار اۋدانى تالعار قالاسىنىڭ اكىمىن سايلاۋدىڭ كەلەسى ناتيجەلەرى انىقتالدى:
ابىلقايىر ۇلى ارىستانبەككە – 9071 داۋىس.قادەنوۆ جانىبەك جانبۋلات ۇلى ءۇشىن – 1875 داۋىس.رامازانوۆ الىبەك عايسا ۇلى ءۇشىن – 1140 داۋىس.«بارلىعىنا قارسى» بيۋللەتەندەردىڭ سانى – 182.
سايلاۋ قورىتىندىسى بويىنشا تالعار قالاسىنىڭ اكىمى بولىپ 1983 جىلى تۋعان «تالعار تۇرعىن ءۇي» جشس ديرەكتورى, تالعار قالاسىنىڭ تۇرعىنى ابىلقايىر ۇلى ارىستانبەك سايلاندى.
ەستەرىڭىزگە سالا كەتەيىك, تالعاردا قوعامدىق رەزونانس تۋدىرعان 16 جاسار شەرزات بولاتتىڭ ولىمىنەن كەيىن ءوز مىندەتتەرىن تيىسىنشە ورىنداماعانى ءۇشىن تالعار قالاسىنىڭ اكىمى باقىت كۇرىشبەكوۆ پەن ونىڭ ورىنباسارى ماتان ساعىندىق, سونداي-اق تالعار اۋدانى اكىمى اپپاراتىنىڭ باسشىسى اسلان قاسىمباەۆ اتقارىپ وتىرعان لاۋازىمدارىنان بوساتىلدى.