توتەنشە جاعدايلار مينيسترلىگى ءوزىنىڭ اۆتوپاركىن بەلسەندى جاڭارتۋدى جالعاستىرىپ جاتىر, دەپ جازادى Egemen.kz.
«ەل پرەزيدەنتى مەن ۇكىمەتتىڭ قولداۋىمەن ءبىز قازىرگى زامانعى اۆتوموبيلدەردى ساتىپ الۋدى جالعاستىرىپ جاتىرمىز. بۇل ءبىزدىڭ قاۋىپسىزدىكتى قامتاماسىز ەتۋ جانە توتەنشە جاعدايلارعا دەن قويۋ جونىندەگى مىندەتتەردى ءتيىمدى ورىنداۋ قابىلەتىمىزدى ايتارلىقتاي ارتتىرادى», دەيدى سالا ءمينيسترى شىڭعىس ءارىنوۆ.
الداعى كۇندەرى ۆەدومستۆونىڭ اۋماقتىق بولىمشەلەرىنە 45 جاڭا مامانداندىرىلعان اۆتوموبيل, ونىڭ ىشىندە اۆاريالىق-قۇتقارۋ جۇمىستارىن ورىنداۋعا ارنالعان 20 ماشينا كەلىپ تۇسپەك.