قازاقستاننىڭ ءبىرىنشى اۋە كەمەسى

7–8 ميلليون حالقى, باسقالاردىكىندەي بايلىعى بار قازاقستاننىڭ بۇل سىيى ءالى از. رەسپۋبليكا تۇگىل, ىشكى گۇبىرنەلەردىڭ ارقايسىسى ءبىر-ءبىر اۋە كەمەدەن تاپسىرىپ وتىر.

ءبىزدىڭ الدە دە ۇكىمەتىمىزدى قور­عاۋ ءۇشىن دە, شارۋامىز ءۇشىن دە اۋە كەمەلەرىن جاساتۋىمىز كەرەك. اۋە كەمەسىنىڭ شارۋاشىلىعىمىزعا كە­رەكتىگى مىناۋ: قازاقستاننىڭ ەلى ىدىراندى, تەمىرجول از, سۋ جولى جوق, قاتىناسى قيىن. ەگەردە قولىمىزدا 6-7 اۋە كەمەسى بولسا, حابارلاردى كۇندە ءبىلىپ, گۇبىرنەلەرمەن كۇندە قاتىناسىپ, اسىعىس جۇمىستارعا كۇندە بارىپ, پوچ­تالاردى ورىندارعا جىلدام جەتكىزىپ تۇرار ەدىك. مۇنىڭ ۇستىنە اۋە كەمەسى­نىڭ شىعىنى از. مەنىڭ ايتاتىنىم: ايماقتىق مەكەمەلەردەگى ازاماتتار اۋە كەمەسىن كوبىرەك ىستەتۋدىڭ قامىنا كىرىسەيىك. گۇبىرنەدەگى جولداستار, كەڭەس ۇكىمەتىن بەكىتەمىن, قورعايمىن, شارۋا­شىلىقتى جوندەيمىن دەسەڭدەر, گۇبىرنە سايىن اۋە كەمەسىن ىستەتۋگە كىرىسىڭىز!

كەلىڭدەر, كۇش بىرىكتىرىپ, اۋە كەمەسىن جاساتىپ, ەلىمىزدى قورعايىق, شارۋامىزدى جوندەيىك!

م.ءتاتىم ۇلى, «ەڭبەكشى قازاق» گازەتى,  14.02.1925 جىل

دايىنداعان –

ۇشقىن سەيدىراحمان ۇلى