حالىقتىڭ ءوسۋ قارقىنى

الماتى قالاسىندا – 2 280 296, استا­نادا – 1 511 807, شىمكەنتتە 1 249 581 ادام تۇرىپ جاتىر. جىل باسىنان بەرى حالىق سانى 190 مىڭعا ارتتى. ەلىمىزدە ايەلدەردىڭ ۇلەسى باسىم – 10 342 959, ەر ادامدار – 9 880 259. توعىز ايدا بالا تۋ كورسەتكىشى دە ءتاۋىر, 278,7 مىڭ نارەستە ومىرگە كەلگەن. ءولىم-ءجىتىم دە تومەندەمەي تۇر – 99,5 مىڭ ادام.

الماتى قالاسىنىڭ تۇرعىندارى ون ءبىر ايدا 51 621 ادامعا ارتقان. ونىڭ ىشىندە تابيعي ءوسىم – 18 824, كوشى-قون ەسەبىنەن 32 797 ادام شاھار تۇرعىنى اتانعان. تۇركىستان وبلىسىنىڭ حالقى دا كوبەيىپ كەلەدى. ون ءبىر ايدىڭ ىشىندە وبلىس حالقىنىڭ سانى 2 142 171 ادامنان 2 154 461 ادامعا جەتكەن. دەگەنمەن بۇل وڭىردە تابيعي ءوسىم جوعارى بولعانىمەن, كوشىپ كەتۋشىلەردىڭ دە قاتارى قالىڭ. الماتى وبلىسىندا بۇگىندە 1 554 695 تۇرعىن بار. ەلوردا حالقىنىڭ ءوسۋ ديناميكاسى دا جاقسى. قاڭتار ايىن­دا استانادا 1 430 105 ادام تۇرسا, 1 قاراشاداعى كورسەتكىش – 1 511 807. 11 ايدا باس قالانىڭ تۇرعىن سانى 81 702 ادامعا كوبەيدى. ءۇشىنشى مەگاپوليس شىمكەنت قالاسىنىڭ حالقى دا 11 اي­دىڭ ىشىندە 27 515 ادامعا ارتقان. ميل­ليوننان استام حالقى بار جامبىل وبلىسىندا قاڭ­تار ايىندا 1 222 593 تۇرعىن بولسا, 1 قا­راشاداعى دەرەكتە 1 222 835 ادامعا جەتكەن. قاراعاندى وبلىسىندا كەرىسىنشە حالىق سانى كەمىگەن. قاڭتار ايىندا وبلىس­تا 1 135 351 تۇر­عىن بولسا, 1 قاراشاداعى دە­رەك­تە ءوڭىر حالقىنىڭ سانى – 1 134 132 ادام.

ستاتيستيكالىق مالىمەت بويىنشا, 11 ايدا 22 955 ادام ەلىمىزگە كوشىپ كەلسە, 11 259 ادام ەلىمىزدەن قونىس اۋدارىپ, كوشى-قون سالدوسى 11 696 ادامعا جەتكەن. بىلتىرعى كورسەتكىشپەن سالىستىرعاندا ەلىمىزگە كوشىپ كەلۋشىلەردىڭ قاتارى ارتقان, كوشىپ كەتكەندەردىڭ سانى از.

ءولىم-ءجىتىم سولتۇستىك قازاقستان (11,52 مىڭ), شىعىس قازاقستان (11,32 مىڭ), قوستاناي وبلىستارىندا (10,12 مىڭ ادام) جوعارى. ساراپشىلار مۇ­نى بۇل ايماقتاردا جاسى ۇلعايعان تۇر­عىن­داردىڭ باسىمدىعىمەن بايلانىس­تىرادى.