جەتىسۋ وبلىسىندا بىرنەشە مارتە الاياقتىق جاساعان ايەل 7 جىلعا باس بوستاندىعىنان ايىرىلدى, دەپ حابارلايدى Egemen.kz.
باس پروكۋراتۋرانىڭ حابارلاۋىنشا, 2 جىل بويى ايەل وزىن بانك قىزمەتكەرى رەتىندە تانىستىرعان. ول حالىقتىڭ سەنىمىنە يە بولىپ, ولارعا اۋىل شارۋاشىلىعىن دامىتۋدىڭ مەملەكەتتىك باعدارلاماسى بويىنشا نەسيە الۋعا جانە تەگىن سۋبسيديالار الۋعا كومەگىن ۇسىنعان. ناتيجەسىندە, 13 ادام الاياقتىڭ قۇربانى بولعان. ونىڭ كەلتىرگەن شىعىنى 12 ميلليون تەڭگەدەن اسقان.
«جەتىسۋ وبلىسى پروكۋراتۋراسى ازاماتتاردى قىراعى بولۋعا, گرانتتار, سۋبسيديالار نەمەسە نەسيەلەر العان كەزدە ورىن العان مۇنداي جاعدايلار تۋرالى حابارلاۋعا شاقىردى», دەلىنگەن حابارلامادا.