الماتىدا قوعامدىق كولىكتىڭ جولاۋشىسى جۇرگىزۋشىگە شابۋىل جاسادى, دەپ حابارلايدى Egemen.kz.
جانجالدىڭ نەدەن شىققانى بەلگىسىز. كۋاگەرلەردىڭ ايتۋىنشا, ەر ادام اۆتوبۋس جۇرگىزۋشىسىنە شابۋىل جاساپ, سالوننىڭ قورشاۋلى ءبولىمىن سىندىرعان. سالدارىنان جولاۋشىلار شىعۋعا ءماجبۇر بولعان.
الماتى قالاسى الاتاۋ اۋدانىنىڭ پوليتسيا دەپارتامەنتى بولعان وقيعا بويىنشا قىلمىستىق ءىس قوزعادى.
«كۇدىكتى ۇستالىپ, قاماۋعا الىندى. سونىمەن قاتار, الماتى پوليتسياسى «زاڭ جانە ءتارتىپ» قاعيداتىن ەسكە سالىپ, ازاماتتاردى قازاقستان رەسپۋبليكاسىنىڭ زاڭناماسىن مۇلتىكسىز ساقتاۋعا شاقىرادى», دەپ جاۋاپ بەردى الماتى پد.