قاراعاندى وبلىسىنىڭ قارقارالى اۋدانىندا ءتورت تۋريست «شايتان كولى» باعىتىنا بەت الىپ, سول كۇيى اداسىپ كەتكەن, دەپ حابارلايدى Egemen.kz.
تويەنشە جاعدايلار مينيسترلىگىنىڭ حابارلاۋىنشا, ولار بەلگىلەنگەن جەرگە جەتپەي, قاراڭعى تۇسكەننىڭ سالدارىنان كەرى قايتا الماي قالعان.
«تۋريستەر جاقىن ورنالاسقان بيىك تاۋعا شىعىپ, قۇتقارۋ قىزمەتىنە قوڭىراۋ شالعان. قۇتقارۋشىلار اتالعان كوورديناتتار بويىنشا جەدەل تۇردە شاقىرۋ ورنىنا كەلدى. تەپلوۆيزورى مەن تۇنگى كامەراسى بار ۇشقىشسىز ۇشۋ اپپاراتىنىڭ كومەگىمەن «بەرلوگا» دەمالىس ايماعىنان ءتورت شاقىرىم جەردە جوعالعان ادامدار تابىلدى», دەلىنگەن حابارلامادا.
قۇتقارىلعانداردىڭ بارلىعى مەديتسينالىق كومەككە مۇقتاج بولماعان.
تۋريستەر قۇتقارۋشىلارعا العىستارىن ءبىلدىردى.