اتىراۋ وبلىسى قۇرمانعازى اۋدانىنىڭ تۇرعىنى ەرسەيىت برالين 94 توننالىق ۆاگوندى سۇيرەتىپ, باتىس قازاقستان بويىنشا رەكورد ورناتتى, دەپ حابارلايدى Egemen.kz.
ونىڭ ۆاگوندى سۇيرەگەن ۆيدەوسى الەۋمەتتىك جەلىدە جاريالاندى.
ەرسەيىت برالين بۇعان دەيىن پاۋەرليفتينگتەن الەم چەمپيونى, ازيانىڭ قولا جۇلدەگەرى, سونىمەن قاتار باتىس قازاقستاندا وتكەن «تولاعاي الىپتارى» جارىسىنىڭ چەمپيونى اتانعان. قازىرگى تاڭدا پاۋەرليفتينگ جانە گرەپپلينگتەن سپورت شەبەرى.
«مەن اۋىر سالماق كوتەرۋمەن بۇرىننان اينالىسىپ كەلەمىن. الداعى ۋاقىتتا شاكىرت تاربيەلەپ, وسى سالادا چەمپيوندار شىعارعىم كەلەدى. قازىر اتىراۋ قالاسىنداعى «ساناتوري» فيتنەس ورتالىعىندا جاتتىعىپ, جارىستارعا قاتىسىپ ءجۇرمىن. جاتتىقتىرۋشىم الەكساندر ليتۆينوۆكە العىسىم شەكسىز», دەيدى ە. برالين.
الداعى ۋاقىتتا ەرسەيىت برالين 5 ۆاگوننان تۇراتىن 120 توننالىق پويىزدى سۇيرەپ, قازاقستان رەكوردىن جاڭارتۋدى ماقسات ەتىپ وتىر.