جۋىردا عانا ۋەفا چەمپيوندار ليگاسىنىڭ توپتىق تۋرنيرىندە ەكىنشى ورىن الىپ, «تورتتىك فينالىنىڭ» جولداماسىنان قاعىلعان «سەمەي» فۋتزال كلۋبى كەلەسى جىلى سول ولقىلىقتىڭ ورنىن تولتىرۋعا مىقتاپ كىرىستى. كۇنى كەشە عانا اباي وبلىسىندا جاساقتالعان كوماندا ءوز قاتارىن 24 جاستاعى رەسەي قۇراماسىنىڭ بەلدى مۇشەسى كاميل گەرەيحانوۆپەن تولىقتىردى. بۇعان دەيىن «تيۋمەن» كلۋبىندا ونەر كورسەتكەن ول ءوز ەلىنىڭ چەمپيونى اتانىپ, جاسوسپىرىمدەر وليمپياداسىندا كۇمىس مەدالدى يەلەنگەن.
گاندبولدان نيۋ-دەليدە ءوتىپ جاتقان ازيا چەمپيوناتىندا ەلىمىزدىڭ ايەلدەر قۇراماسى ەكىنشى كەزدەسۋىندە وڭتۇستىك كورەيادان 20:30 ەسەبىمەن ۇتىلدى. العاشقى ماتچتا جەرلەستەرىمىز قىتايدى قاپى قالدىرعان ەدى. ەندى ولار سينگاپۋرمەن سايىسقا تۇسەدى. ءار توپتان ۇزدىك شىققان ەكى كوماندا پلەي-وفف باسەكەسىندە باق سىنايدى.
ەرتەڭ بەيجىڭدە شورت-ترەكتەن World Tour سەرياسىنىڭ ءۇشىنشى كەزەڭى باستالادى. بۇل جارىستا ەلىمىزدىڭ نامىسىن دەنيس نيكيشا, ابزال اجىعاليەۆ, مەرسايد جاقسىباەۆ, ءادىل عالياحمەتوۆ, گلەب يۆچەنكو, ايبەك ناسەن, ولگا تيحونوۆا, يانا حان, ماليكا ەرمەك, الينا اجىعاليەۆا, ءمادينا جانبوسىنوۆا, زەينەپ قۇمارقان قورعايدى.
تانىمال فۋتبولشى سامات سماقوۆ تالدىقورعاننىڭ «جەتىسۋ» كلۋبىنىڭ باس باپكەرى بولىپ تاعايىندالدى. كەزىندە ول «ەلىماي», «ەرتىس», «روستسەلماش» (رەسەي), «جەڭىس», «قايرات», «اقتوبە», «ريزەسپور» (تۇركيا), «ورداباسىندا» وينادى. 16 جىل بويى ۇلتتىق قۇرامانىڭ نامىسىن قورعاپ, 76 رەت جاسىل الاڭعا شىقتى. بۇل – رەكوردتىق كورسەتكىش. كەيىندە ەلىمىزدىڭ بىرقاتار كومانداسىندا ديرەكتور بولدى, جاتتىقتىرۋشىلىق قىزمەت اتقاردى.
قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» قاتارىنان التىنشى رەت جەڭىلدى. بۇل جولى ەلوردالىق كلۋب استانادا ماسكەۋدىڭ «سپارتاگىنان» 2:4 ەسەبىمەن ۇتىلدى. كەلەسى ويىنىن «بارىس» ەرتەڭ چەرەپوۆەتستە جەرگىلىكتى «سەۆەرستالعا» قارسى وتكىزەدى.
ۆولەيبولدان ۇلتتىق ليگانىڭ ءىى تۋرىنىڭ العاشقى كۇنى اياقتالدى. بۇل باسەكەلەردە مىناداي ەسەپتەر تىركەلدى: «جەتىسۋ» – «ارۋ-استانا» 3:0 (25:17, 25:21, 25:14), «قۋانىش» – «الماتى» 3:0 (25:18, 25:20, 25:19), «ەرتىس» – «گراتسيا KZ» 0:3 (23:25, 21:25, 15:25), «تۇران» – «اقتوبە» 2:3 (17:25, 25:16, 25:17, 18:25, 12:15), «بەرەل» – «قاراعاندى» 3:0 (25:8, 25:21, 25:16).
اتى-ءجونى ورىسشا بولعانىمەن تەگى قازاق سەرگەي ليپينەتس (18-3-1, 13 كو) كاسىپقوي رينگتەگى كەلەسى كەزدەسۋىن كەلەر جىلدىڭ 1 اقپانىندا لوندونداعى «ۋەمبلي ارەنادا» وتكىزەدى. ءالى جەڭىلىستىڭ كەرمەك ءدامىن تاتپاعان ۇلىبريتانيانىڭ وكىلى ادام ازيممەن (12-0, 9 كو), ايقاسادى. ءبىرىنشى جارتىلاي ورتا سالماقتا وتەتىن باسەكەدە IBO نۇسقاسى بويىنشا چەمپيوندىق بەلبەۋدىڭ يەگەرى انىقتالادى.
ۆتب ليگاسىندا باق سىناپ جۇرگەن «استانا» باسكەتبولشىلارى قازاندا جەرگىلىكتى ۋنيكس-تەن باقانداي 53 ۇپاي ايىرماشىلىعىمەن ۇتىلدى. ەسەپ – 38:91 (12:26, 6:13, 10:30, 10:22). وسىلايشا, ەلىمىزدە جاساقتالىپ, مەملەكەتتىك بيۋدجەتتەن قىرۋار قارجى الىپ وتىرعان كوماندا بيىلعى ماۋسىمدا قاتارىنان 17 كەزدەسۋدە جەڭىلىس تاپتى.
2025 جىلى اقش-تا جالاۋى جەلبىرەيتىن كلۋبتىق الەم چەمپيوناتىنا قاتىساتىن كوماندالار قانداي سەبەتكە تۇسكەنى بەلگىلى بولدى: 1 سەبەت – «مانچەستەر سيتي» (انگليا), «رەال» (يسپانيا), «باۆاريا» (گەرمانيا), پسج (فرانتسيا), «فلامەنگو» (برازيليا), «پالمەيراس» (برازيليا), «ريۆەر پلەيت» (ارگەنتينا), «فلۋمينەنسە» (برازيليا). 2 سەبەت – «چەلسي» (انگليا), «بورۋسسيا» (گەرمانيا), «ينتەر» (يتاليا), «پورتۋ» (پورتۋگاليا), «اتلەتيكو» (يسپانيا), «بەنفيكا» (پورتۋگاليا), «يۋۆەنتۋس» (يتاليا), «رەد بۋلل زالتسبۋرگ» (اۋستريا). 3 سەبەت – ء«ال-حيلال» (ساۋد ارابياسى), «ۋلسان حەنداي» (وڭتۇستىك كورەيا), ء«ال-احلي» (مىسىر), «ۆيداد» (ماروككو), «مونتەرەي» (مەكسيكا), «لەون» (مەكسيكا), «بوكا حۋنيورس» (ارگەنتينا), «بوتافوگو» (برازيليا). 4 سەبەت – «ۋراۆا رەد دايموندس» (جاپونيا), ء«ال-اين» ء(باا), «ەسپەرانس» (تۋنيس), «مامەلودي سانداۋنس» (وار), «پاچۋكا» (مەكسيكا), «سيەتل ساۋندەرس» (اقش), «وكلەند سيتي» (جاڭا زەلانديا), «ينتەر مايامي» (اقش).