قوناەۆ بازارىنداعى بىلىق

اتالعان جاعدايعا بايلانىستى قوناەۆ قالاسىنىڭ اكىمى اسحات بەردىحانوۆتىڭ تاپسىرماسىمەن مونيتورينگتىك توپ قۇرىلدى. ونىڭ قۇرامى ۆەتەرينارلىق ينسپەكتسيا, زەرتحانا, جەر قاتىناستارى, كاسىپكەرلىك جانە ىشكى ساياسات ءبولىمىنىڭ ماماندارىمەن تولىقتى.

سەنبى كۇندەرى بۇل بازاردا جارمەڭكە ۇيىمداستىرىلادى. ساۋدا قىزا تۇسەتىن وسى كۇنى مونيتورينگتىك توپ بازار جۇمىسىن ءجىتى باقىلاپ, بىرنەشە كەمشىلىكتىڭ بارىن انىقتادى.

ايتالىق, الدىمەن «العا» بازارى دەمالىس كۇندەرى جارمەڭكە وتكىزۋ ورىنى رەتىندە جەرگىلىكتى اتقارۋشى ورگانمەن بەكىتىلمەگەن. الايدا, بازار باسشىلىعى بۇل فاكتىنى تەرىسكە شىعاردى.

ەكىنشىدەن, ءىرى قارا مالدىڭ ەتى (وكپە-باۋىر, قارىن مايى, سيراقتار), شۇجىقتار, ءسۇت ونىمدەرى اشىق اسپان استىندا ساتىلعان. بۇل سانيتارلىق نورمالارعا سايكەس كەلمەيدى.

ۇشىنشىدەن, مەرزىمى وتكەن شۇجىقتار مەن ءتۇرلى تاتتىلەردى, ازىق-ت ۇلىكتەردى ء«ۇي جانۋارلارىنا ارنالعان تاعام» رەتىندە ساتۋ دەرەكتەرى تىركەلدى. سونداي-اق ۆەتەرينارلىق انىقتاماسى جوق 2 ساتۋشىعا ايىپپۇل سالىنعان. ساتىلىمداعى قۇس ەتتەرى مەن جۇمىرتقالاردىڭ ءتيىستى قۇجاتتارى دا بولماعان. سىنامالار زەرتحانالارعا  جىبەرىلىپ, ناتيجەسى انىقتالاتىن بولادى.

«مونيتورينگتىك توپ بازار باسشىلىعىنا قاتىستى تۇراق سانىنىڭ جەتكىلىكسىزدىگى, ساتۋشىلارعا جاعداي جاسالماعانى, جابىق پاۆيلونداردىڭ جوقتىعى, بازار اۋماعى ستاندارتتارعا سايكەس كەلمەيتىنى (قاتتى جابىنمەن جابىلۋى ءتيىس) تۋرالى ۇيعارىم شىعاردى. مونيتورينگتىك توپتىڭ بۇل اقپاراتى ارى قاراي شارالار قابىلداۋ ءۇشىن سانيتارلىق-ەپيدەميولوگيالىق باقىلاۋ باسقارماسىنا جىبەرىلەدى. سونىمەن قاتار اكىمدىك بۇل نىساندى تالاپتارعا سايكەستەندىرۋ ءۇشىن بىرقاتار شارالاردى قولعا الماق»,  دەيدى قوناەۆ قالاسى اكىمدىگىنىڭ ءباسپاسوز قازمەتى.

ايتا كەتەرلىگى, بازار تۇرعان جەر 11 ۋچاسكەگە بولىنگەن, يەلەرى دە ءارتۇرلى. قىسقى ماۋسىمدا سەنبى كۇنگى جارمەڭكەدە 100-120 ورىندا ساۋدا جاسالادى. جازدىڭ كۇنى بۇل كورسەتكىش 150-گە جەتەدى. ساتۋشىلاردىڭ كوبى الاتاۋ قالاسىنان, تالعار اۋدانىنان كەلەدى. اراسىندا قالالىقتار دا بار. اپتا سايىن جارمەڭكەگە 40 توننا كارتوپ, 50 توننا جۋا, 20 توننا ءسابىز, 20 توننا قىرىققابات اكەلىنەدى.

الماتى وبلىسى,

قوناەۆ قالاسى