كوكشەتاۋدا جاڭا جىلدىق مەرەكەلىك شارالارعا دايىندىق جۇمىستارىنا 51 ملن تەڭگە جۇمسالادى, دەپ حابارلايدى Egemen.kz وبلىس ورتالىعى اكىمدىگىنىڭ ءباسپاسوز قىزمەتىنە سىلتەمە جاساپ.
كوكشەتاۋدا جاڭا جىل قارساڭىندا مەرەكەلىك شارالار وتەتىن نەگىزگى ورىندار انىقتالعان.
كوكشەتاۋ قالاسى اكىمدىگىنىڭ حابارلاۋىنشا, مەرەكەنىڭ باستى ورنى ابىلاي حان الاڭىنداعى مۇز قالاشىعى بولماق. مۇندا ادەتتەگىدەي بيىكتىگى 22 مەتر بولاتىن باس شىرشا ورناتىلادى.
سونىمەن قاتار, قالا تۇرعىندارىنا ۇلكەن مەتالل سىرعاناق جانە كەم دەگەندە 12 مۇز كومپوزيتسياسى ۋادە ەتىلگەن, ال الاڭدا ورتا جانە ەكى شاعىن مۇز سىرعاناقتارى ورنالاسادى. سونداي - اق, «جاڭا جىلدىق فوتوايماق 2025» جانە «جاڭا جىلدىق شانا», مەرەكەلىك بەزەندىرىلگەن ساحنا جانە ۇلتتىق ستيلدەگى 8 شاعىن ارحيتەكتۋرالىق نىسان – بىلەزىك جانە ساقينا سياقتى سۋرەتكە تۇسىرۋگە ارنالعان ورىندار قاراستىرىلماق.
«قوسىمشا ەكى ورىن «دوستار» جانە «بولاشاق سارايى» مادەنيەت سارايىنىڭ جانىنداعى الاڭداردا ورنالاسادى. مۇندا شىرشالار جەڭىل ەلەمەنتتەرمەن بەزەندىرىلىپ, سۋىق نەوننان جاسالعان دومبىرا تۇرىندەگى ماف جانە قوس-جارىق گيرلياندتار ورناتىلادى. سونداي-اق بۇل ۋچاسكەلەردە مۇز سىرعاناقتارى ورناتىلادى», دەلىنگەن حابارلامادا.
جالپى, بيىلعى جىلى جاڭا جىلدىق ءىس-شارالارعا دايىندىق جۇمىستارىنا قالا بيۋدجەتىنەن ققس قوسقاندا 51 ميلليون تەڭگە نەمەسە ققس-سىز 45,5 ميلليون تەڭگە بولىنگەن.
«باس شىرشانى جاعىپ, مۇز قالاشىعىن سالتاناتتى تۇردە اشۋ جوسپارلانعان. بۇل ءىس - شارانىڭ كۇنى مەن ۋاقىتى كەيىنىرەك ناقتىلاناتىن بولادى, دەپ تولىقتىردى ۆەدومستۆودان.