سپورتتىق اتاقتاردى بەرۋ نورمالارى مەن تارتىبىنە وزگەرىستەر ەنگىزىلۋى مۇمكىن

سپورتتىق اتاقتار مەن رازريادتاردى بەرۋ جۇيەسىن جەتىلدىرۋ اياسىندا سپورتتىڭ بارلىق ءتۇرى بويىنشا, ونىڭ ىشىندە سپورتتىق اكروباتيكا جانە كوركەم گيمناستيكا سياقتى سپورت تۇرلەرىنە وزگەرىستەر ەنگىزۋدى كوزدەيتىن جاڭا بۇيرىق جوباسى ازىرلەنگەن.

«سپورتتىق اتاقتاردى, رازريادتاردى جانە بىلىكتىلىك ساناتتارىن بەرۋ «سپورتتىق اتاقتاردى, رازريادتاردى جانە بىلىكتىلىك ساناتتارىن بەرۋ نورمالارى مەن تالاپتارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترى مىندەتىن اتقارۋشىنىڭ 2014 جىلعى 28 قازانداعى № 56 بۇيرىعىمەن (بۇدان ءارى – بۇيرىق) بەكىتىلگەن نورمالار مەن تالاپتارمەن رەتتەلەدى. بۇل رەتتە وتىنىمدەردى بەرۋ ءتارتىبىن قوسا العاندا, ءوتىنىم بەرۋ جۇيەسىنىڭ ءوزى سپورتتىق اتاقتار, رازريادتار جانە بىلىكتىلىك ساناتتارىن بەرۋ مەن ولاردان ايىرۋدىڭ بارلىق تەتىگىن رەتتەيتىن 2014 جىلعى 29 شىلدەدەگى № 300 بۇيرىقپەن ايقىندالادى», دەلىنگەن مينيسترلىك حابارلاماسىندا.

وزگەرىستەر ەنگىزىلىپ جاتقان جاڭا بۇيرىق كوپتەگەن سپورت ءتۇرى بويىنشا نورمالاردى, سونىڭ ىشىندە رەسپۋبليكالىق اككرەديتتەلگەن سپورت فەدەراتسيالارى ازىرلەگەن كوركەم گيمناستيكا جانە سپورتتىق اكروباتيكا بويىنشا بالدىق باعالاۋ جۇيەسىن ەنگىزۋدى كوزدەيدى. وسى ۋاقىتقا دەيىن اتالعان سپورت تۇرلەرىندەگى اتاقتار مەن رازريادتار تەك جۇلدەلى ورىندار نەگىزىندە بەرىلەتىن.سونىمەن قاتار جاڭا نورمالار سپورتتىڭ بارلىق ساناتتارى: وليمپيادالىق, پاراليمپيادالىق, ۇلتتىق, وليمپيادالىق ەمەس, تەحنيكالىق, اسكەري-قولدانبالى جانە باسقالار ءۇشىن اتاقتار مەن رازريادتاردى بەرۋگە بىرىڭعاي ءتاسىلدى ەنگىزۋدى كوزدەيدى. بۇيرىق جوباسىندا بەيىندى سپورت فەدەراتسيالارىمەن ىنتىماقتاستىقتا ازىرلەنگەن بارلىق سپورت تۇرىنە قويىلاتىن تالاپتار ناقتىلانادى.جاڭا بۇيرىقتىڭ تالاپتارىن ورىنداعان سپورتشىلار جاڭارتىلعان نورمالار كۇشىنە ەنگەنگە دەيىن جارىستاردا قول جەتكىزگەن ناتيجەلەردى قوسا العاندا, اتاقتار مەن رازريادتاردى بەرۋ قۇقىعىن ساقتايدى.قازىرگى ۋاقىتتا بۇيرىق جوباسى قر تۋريزم جانە سپورت مينيسترلىگىنىڭ زاڭ قىزمەتى دەپارتامەنتىنە كەلىسۋگە جىبەرىلگەن. قۇجات 2025 جىلدىڭ قاڭتارىندا بەكىتىلەدى دەپ كۇتىلەدى.