ماجىلىستە دارىندى بالالاردى قولداۋدى كوزدەيتىن جانە مەملەكەتتىك ءتىلدىڭ قولدانىسىن كەڭەيتەتىن زاڭ جوباسى قابىلداندى, دەپ حابارلايدى Egemen.kz.
ماجىلىستەگى الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆتىڭ ايتۋىنشا جاڭا زاڭ اياسىندا مەملەكەتتىك ءتىلدى جاساندى ينتەللەكتتىڭ كۇشىمەن دامىتۋ كوزدەلگەن.
سونىمەن قاتار, بەدەلدى حالىقارالىق ءپان وليمپيادالارى مەن عىلىمي سايىستاردا جەڭىمپاز اتانعان جاستاردى «بولاشاق» باعدارلاماسىمەن شەتەلدەردە وقىتۋ قاراستىرىلعان.
- «بولاشاق» باعدارلاماسىنىڭ اياسىن كەڭەيتىپ, ماگيستراتۋرا مەن دوكتورانتۋرانىڭ قاتارىنا باكالاۆرياتتى دا قوسىپ وتىرمىز. بىراق بۇل مۇمكىندىك تەك بەدەلدى حالىقارالىق وليمپيادادا نەمەسە عىلىمي سايىستا جەڭىمپاز اتانعان تالاپكەرلەرگە عانا بەرىلەدى. ول بالالار «بولاشاق» ارقىلى باكالاۆر دارەجەسىندە ءبىلىم العاننان كەيىن كەمىندە 3 جىل بويى قازاقستاندا جۇمىس ىستەۋگە مىندەتتەلەدى, - دەدى اسحات ايماعامبەتوۆ.