جەتىسۋ وبلىسىندا الاكول اۋداندىق سوتىمەن ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «الاكول مەملەكەتتىك قورىعى» رمم باسشىسى ق. ابىلقاسىموۆ, ونىڭ ورىنباسارى ن. بەيسەنوۆ جانە ءبولىم باسشىسى ر. شالاپانوۆ سوتتالدى, دەپ حابارلايدى Egemen.kz سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.
ولار قىزمەت كورسەتىلەتىن اۋماقتا زاڭسىز ءشوپ شابۋ بويىنشا اكىمشىلىك جاۋاپكەرشىلىككە تارتپاعانى ءۇشىن جەرگىلىكتى تۇرعىنداردان الدىن الا ءسوز بايلاسۋ ارقىلى ادامدار توبىندا بىرنەشە رەت پارا العانى ءۇشىن كىنالى دەپ تانىلعان.
«ابىلقاسىموۆ پەن شالاپانوۆتىڭ ارقايسىسىنا 10,5 ملن تەڭگە, ال بەيسەنوۆكە 15,7 ملن تەڭگە كولەمىندە ايىپپۇل سالىندى. وسى ۇكىممەن, الاكول اۋدانىنىڭ تۇرعىندارى و. بۋلگۋنچينوۆ پەن ك. كاناگاتوۆ اتالمىش لاۋازىمدى تۇلعالارعا پارا بەرگەنى ءۇشىن سايكەسىنشە 6 ملن تەڭگە جانە 2,2 ملن تەڭگە ايىپپۇلعا سوتتالدى», دەلىنگەن حابارلامادا.
سونىمەن قاتار سوتتالعاندارعا ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋعا تىيىم سالىندى.
سوت ۇكىمى زاڭدى كۇشىنە ەندى.