ەڭبەك جانە حالىقتى الەۋمەتتىك قورعاۋ مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ الەۋمەتتىك-ەڭبەك سالاسىنداعى ءۇش مەملەكەتتىك قىزمەت كورسەتۋ پروتسەسىن اۆتوماتتاندىرۋدى جوسپارلاپ وتىر, دەپ حابارلايدى Egemen.kz.
ول ءۇشىن ادامي فاكتوردى الىپ تاستاۋدى جانە وسى قىزمەتتەردى كورسەتۋ پروتسەسىن اۆتوماتتاندىرۋدى كوزدەيتىن پيلوتتىق جوبا ىسكە قوسىلادى. وسىلايشا, ولاردى ۇسىنۋ بويىنشا وپەراتسيالىق پروتسەستەر 7 جۇمىس كۇنىنەن ءبىر جۇمىس كۇنىنە دەيىن قىسقارتىلادى.
جاڭا تاسىلمەن كورسەتىلەتىن قىزمەتتەر: «قازاقستاننىڭ ەڭبەك Epi» اتاعىنا يە بولعان ادامدارعا ارناۋلى مەملەكەتتىك جاردەماقى تاعايىنداۋ; «حالىق قاھارمانى» اتاعىنا يە بولعان ادامدارعا ارناۋلى مەملەكەتتىك جاردەماقى تاعايىنداۋ; جاسىنا بايلانىستى بەرىلەتىن زەينەتاقى تولەمدەرىنە مۇگەدەكتىگى بويىنشا تولەنەتىن ايلىق جاردەماقى مولشەرىنە دەيىن قوسىمشا تولەم الۋشىلاردى قوسپاعاندا, جاسىنا بايلانىستى بەرىلەتىن زەينەتاقى تولەمدەرى نەمەسە ەڭبەك سىڭىرگەن جىلدارى ءۇشىن تولەنەتىن زەينەتاقى تولەمدەرى تاعايىندالعان ءبىرىنشى, ەكىنشى جانە ءۇشىنشى توپتارداعى مۇگەدەكتىگى بار ادامدارعا, سونداي-اق رەسەي فەدەراتسياسىنىڭ زاڭناماسىنا سايكەس مۇگەدەكتىگى بويىنشا زەينەتاقى الاتىن جاعدايدا بايقوڭىر قالاسىندا تۇراتىن ءبىرىنشى, ەكىنشى جانە ءۇشىنشى توپتاعى مۇگەدەكتىگى بار ادامدارعا ارناۋلى مەملەكەتتىك جاردەماقى تاعايىنداۋ.
«Smart Data Ukimet» اقپاراتتىق-تالداۋ جۇيەسى ارقىلى الەۋمەتتىك-ەڭبەك سالاسىنىڭ كەيبىر مەملەكەتتىك قىزمەتتەرىن پرواكتيۆتى كورسەتۋ جونىندەگى پيلوتتىق جوبانى ىسكە قوسۋ تۋرالى» بىرلەسكەن بۇيرىقتىڭ جوباسى 2024 جىلعى 18 جەلتوقسانعا دەيىن تالقىلاۋ ءۇشىن «اشىق نقا» پورتالىندا ورنالاستىرىلعان.