شاعىن جيناقتى مەكتەپتەردە وقىتۋدىڭ جاڭا مودەلى ەنگىزىلەدى

وقۋ-اعارتۋ ءمينيسترى عاني بەيسەمباەۆتىڭ ايتۋىنشا, اقتوبە وبلىسىندا «تسيفرلىق تەحنولوگيالاردى پايدالانا وتىرىپ, اۋىل مەكتەپتەرىنىڭ الەۋەتىن ارتتىرۋ» جوباسى تابىستى ىسكە اسىرىلىپ وتىر.

جوباعا 12 تىرەك جانە 134 شاعىن جيناقتى مەكتەپ, 11 مىڭنان استام ءبىلىم الۋشى مەن 3,5 مىڭعا جۋىق پەداگوگ قاتىسقان. «تىرەك مەكتەپ – شاعىن جيناقتى مەكتەپ» ءبىلىم بەرۋ مودەلى ءتيىمدى ەكەنى انىقتالعان. 

بۇل ءبىلىم بەرۋ مودەلى تىرەك مەكتەپتەردىڭ ءبىلىم بەرۋ ۇدەرىسىنىڭ جوعارى كورسەتكىشتەرى ەسەبىنەن شاعىن وقۋ ورىندارىندا وقىتۋدىڭ قولجەتىمدىلىگى مەن ساپاسىن ارتتىرماق. 

وقۋ-اعارتۋ مينيسترلىگى ۇسىنىلعان مودەلدى ەلىمىز بويىنشا كەڭ قولدانۋدى ۇسىندى. 

«ول ءۇشىن اكىمدەرگە بارلىق اۋىلدىق مەكتەپتەردىڭ ماتەريالدىق-تەحنيكالىق بازاسىن جاڭارتۋ, وقۋ ورىندارىن جوعارى جىلدامدىقتى ينتەرنەتپەن قامتاماسىز ەتۋ, سونداي-اق تىرەك مەكتەپتەردىڭ مۇعالىمدەرىن ىنتالاندىرۋ ءۇشىن قوسىمشا تولەمدەر كوزدەۋ قاجەت», دەدى عاني بەيسەمباەۆ.

بيىل جوباعا اقمولا, قوستاناي, پاۆلودار, باتىس قازاقستان جانە سولتۇستىك قازاقستان وبلىسىنداعى 10 تىرەك جانە 30 شاعىن جيناقتى مەكتەپ تارتىلىپ جاتىر. 2025 جىلدىڭ قاڭتارىنان باستاپ جوباعا 17 ءوڭىردىڭ 192 تىرەك جانە 759 شاعىن جيناقتى مەكتەبى قاتىسادى. ال ءۇشىنشى كەزەڭدە وسى جوباعا قالعان شاعىن جيناقتى مەكتەپتەردىڭ بارلىعى قامتىلادى.