بەلگىلى قازاق جازۋشىسى, قوعام قايراتكەرى ءسابيت مۇقانوۆتىڭ قىزى بايان مۇقانوۆا قايتىس بولدى, دەپ حابارلايدى Egemen.kz.
قارالى حاباردى ءسابيت مۇقانوۆ پەن عابيت مۇسىرەپوۆتىڭ ادەبي-مەموريالدىق مۇراجاي كەشەنى ەستىرتتى.
- مارقۇمنىڭ وتباسى مەن تۋعان-تۋىستارىنىڭ قايعىسىنا ورتاقتاسىپ كوڭىل ايتامىز, - دەلىنگەن حابارلامادا.
ءسابيت مۇقانوۆ (1900–1973) – قازاقتىڭ كورنەكتى جازۋشىسى, اقىن جانە قوعام قايراتكەرى, قازاق كسر عىلىم اكادەمياسىنىڭ اكادەميگى. 1943-1951 جىلدارى قازاقستان جازۋشىلار وداعىن باسقاردى.
ونىڭ ايگىلى شىعارمالارىنىڭ قاتارىندا «بوتاگوز», «سىرداريا» روماندارى مەن ء«ومىر مەكتەبى» ومىرباياندىق تريلوگياسى بار. ونىڭ قازاق ادەبيەتى مەن مادەنيەتىن دامىتۋعا سىڭىرگەن ەڭبەگى ۇشان-تەڭىز.
بايان مۇقانوۆا وتباسىنىڭ عىلىمي ءداستۇرىن جالعاستىرىپ, سانالى عۇمىرىن عىلىم مەن بىلىمگە ارنادى. ول حيميا عىلىمدارىنىڭ كانديداتى, اۋىل شارۋاشىلىعى ينستيتۋتىندا ساباق بەردى.