قازاقستاندا جاۋىنگەرلىك دايىندىقتىڭ جاڭا كەزەڭى باستالدى. وسىعان بايلانىستى بارلىق اسكەري باسقارۋ ورگاندارى, قارۋلى كۇشتەردىڭ اسكەري بولىمدەرى مەن مەكەمەلەرى جوعارى جاۋىنگەرلىك ازىرلىك دەڭگەيىنە كەلتىرىلەدى, دەپ حابارلايدى Egemen.kz.
«جەلتوقساننىڭ العاشقى كۇندەرىندە قارۋلى كۇشتەردىڭ اسكەري بولىمدەرى مەن مەكەمەلەرى, باسقارۋ ورگاندارى جوعارى جاۋىنگەرلىك ازىرلىك دەڭگەيىنە كەلتىرىلەدى. بۇل شارا جاڭا وقۋ كەزەڭى اياسىندا جۇرگىزىلمەك», دەپ مالىمدەدى ۆەدومستۆو.
مينيسترلىك مالىمەتىنشە, العاشقى كۇندەرى ارميا بولىمشەلەرى وقۋ دابىلى بويىنشا كوتەرىلىپ, وقۋ ورتالىقتارى مەن پوليگوندارعا مارش جاسايدى. جەكە قۇرامدى اۋىستىرۋ جانە اسكەري تەحنيكانىڭ كولوننالارىن تاسىمالداۋ ارقىلى كەشەندى تاكتيكالىق-ساپتىق جاتتىعۋلار مەن دايىندىقتار وتەدى.
«وسى شارالاردىڭ سالدارىنان كەيبىر ايماقتارداعى جول ۋچاسكەلەرىندە ۋاقىتشا قوزعالىس شەكتەۋلەرى بولۋى مۇمكىن. ازاماتتاردى وسى جاعدايعا تۇسىنىستىكپەن قاراۋعا شاقىرامىز», دەپ مالىمدەدى قورعانىس مينيسترلىگى.
مينيسترلىك سونىمەن قاتار جالعان اقپارات تاراتۋعا جول بەرمەي, تەك رەسمي اقپارات كوزدەرىنە سەنۋ كەرەك ەكەنىن ەسكە سالدى.
«وسىعان بايلانىستى ازاماتتار مەن باق وكىلدەرىنەن تەك رەسمي اقپاراتقا سەنۋدى جانە جالعان حابارلامالاردى تاراتپاۋدى سۇرايمىز», دەپ اتاپ ءوتتى ۆەدومستۆو.