ۇلتتىق بانك باسشىسى تيمۋر سۇلەيمەنوۆ ۇلتتىق قوردىڭ بيىلعى تابىسىن جاريالادى. سونىڭ تەڭ جارتىسى 18 جاسقا تولماعان بالالارعا تاراتىلادى, دەپ حابارلايدى Egemen.kz.
ايتا كەتسەك, بيىلعى 10 ايدىڭ قورىتىندىسى بويىنشا ۇلتتىق قوردىڭ تازا تابىسى 5,3 ملرد دوللاردى قامتىدى. سونىڭ جارتىسى 2,6-2,7 ملرد دوللار بولادى.
ء«بىز ورتاشا سومانى الامىز. سودان سوڭ بالالاردىڭ سانى ەسكەرىلەدى. بىراق ءاربىر بالانىڭ ەسەپشوتىنا تۇسەتىن اقشانىڭ كولەمى بۇعان دەيىنگى سومادان كوپ بولادى», دەدى تيمۋر سۇلەيمەنوۆ.
ۇلتتىق بانك ماماندارىنىڭ ايتۋىنشا, بيىل قوردىڭ تابىسى بۇعان دەيىنگى كەزەڭمەن سالىستىرعاندا كوپ بولعان. سوندىقتان كەلەسى جىلى قاڭتاردا 18 جاسقا تولماعان ءاربىر بالانىڭ ەسەپشوتىنا 100 دوللاردان ارتىق اقشا تۇسەدى.
بۇگىندە زەينەتاقى قورىنداعى اقشانىڭ ءبىر بولىگى دوللارمەن جاتىر. سول سەبەپتى وسى قوردىڭ تابىسى دا وسەدى دەگەن بولجام بار.