مەملەكەت باسشىسىنىڭ تاپسىرماسى بويىنشا ەلىمىزدە «جايلى مەكتەپ» ۇلتتىق جوباسى قارقىندى جۇزەگە اسىرىلىپ جاتىر. كەزەكتى 36-شى مەكتەپ الماتى وبلىسىنىڭ كوكوزەك اۋىلىندا ورنالاسقان, دەپ حابارلايدى Egemen.kz.
ايتا كەتەيىك, 1500 وقۋشىعا ارنالعان مەكتەپ زاماناۋي ستاندارتتار بويىنشا جابدىقتالعان جانە قالالىق مەكتەپتەردەن كەم تۇسپەيدى. اتالعان مەكتەپ 68 وقۋ كابينەتىمەن, STEM-زەرتحانالارمەن, روبوتوتەحنيكا كابينەتتەرىمەن, حورەوگرافيالىق زالمەن, سپورت زالدارىمەن, دەمالىس جانە نەتۆوركينگ ورتالىقتارامەن جابدىقتالعان.
«وندا ەرەكشە ءبىلىم بەرۋ قاجەتتىلىكتەرى بار بالالار ءۇشىن بارلىق جاعداي قاراستىرىلعان, ءار وقۋشى ءۇشىن جەكە شكافتارى بار. سونىمەن قاتار بارلىق وقۋ كابينەتتەرى جاڭا تەحنولوگيالارمەن – ينتەراكتيۆتى تاقتالارمەن جانە كومپيۋتەرلەرمەن جابدىقتالعان, بۇل وقىتۋدىڭ يننوۆاتسيالىق ادىستەرىن ەنگىزۋگە جانە ءبىلىم بەرۋ پروتسەسىنىڭ ساپاسىن ارتتىرۋعا ىقپال ەتەدى», دەپ حابارلادى وقۋ-اعارتۋ مينيسترلىگىنىڭ ءباسپاسوز قىزمەتى.
«جايلى مەكتەپ» ۇلتتىق جوباسى اياسىندا الماتى وبلىسىنىڭ اۋىلدىق جەرلەرىندە بەس مەكتەپ تۇرعىزىلعان. جالپى, جىل باسىنان بەرى ەلىمىزدە 36 جايلى مەكتەپ پايدالانۋعا بەرىلدى, ونىڭ 15-ءى اۋىلدىق ەلدى مەكەندەردە ورنالاسقان.