عالىمدار كۇيزەلىستى بەس مينۋتتا انىقتايتىن جاساندى ينتەللەكت الگوريتمىن ۇسىندى.
بۇل تەحنولوگيا دياگنوزدى ەرتە انىقتاپ, ەمدەۋدى ۋاقىتىندا باستاۋعا مۇمكىندىك بەرەدى. الگوريتم پاتسيەنتتەردىڭ داۋىسى مەن مي بەلسەندىلىگى تۋرالى مالىمەتتەردى پايدالانىپ, تەست جۇرگىزەدى. تەست ناتيجەسى 97 پايىز ءدال اقپارات بەرەدى. عالىمدار وسى ءادىس ارقىلى دياگنوز قويىپ قانا قويماي, ناتيجەنى دارىگەرلەر ەم-شارا جاسايتىن كەزدە نازارعا الۋىن قامتاماسىز ەتپەكشى. سونىمەن قاتار 40 مينۋتتىق سەانسپەن كۇيزەلىستى ەمدەيتىن قۇرىلعى دا ازىرلەنگەن.
«Microsoft Teams»-تىڭ جاڭا مۇمكىندىگى
«Microsoft Teams» قاتىسۋشىلارعا ونلاين كەزدەسۋدە تاڭداعان تىلدە سويلەۋگە جانە تىڭداۋعا مۇمكىندىك بەرەتىن جاڭا فۋنكتسياسىن تانىستىردى.
جاساندى ينتەللەكت نەگىزىندە جاسالعان جۇيە ءسوزدى اۋدارىپ, داۋىستى يميتاتسيالايدى. العاشقى نۇسقاسى 2025 جىلى ىسكە قوسىلادى دەپ جوسپارلانعان. باستاپقىدا 9 تىلدە قولجەتىمدى بولادى. ال كەيىننەن 31 تىلگە دەيىن ارتادى. «Copilot» جۇيەسى ەكرانداعى كونتەنتتى تالداپ, مالىمەتتەردى قىسقاشا مازمۇندايدى, ال «Super Resolution» فۋنكتسياسى بەينەنىڭ ساپاسىن جاقسارتادى.
ەڭ قۋاتتى كۇن ەلەكتر ستانساسى
«CHN Energy» 3 گۆت قۋاتتى, 1,6 ميلليارد دوللارلىق «Mengxi Lanhai» كۇن ەلەكتر ستانساسىن ىسكە قوستى.
70 شارشى شاقىرىم اۋماقتى الىپ جاتقان ستانسا 5,9 ميلليون پانەلدەن تۇرادى. جىل سايىن 5,7 تۆت·چ ەنەرگيا ءوندىرىپ, 2 ميلليون ءۇيدى ەلەكترمەن قامتاماسىز ەتەدى. جوبا قىتايدىڭ باتىسىنان شىعىسقا ەنەرگيا تاسىمالداۋ باعدارلاماسىنىڭ اياسىندا جۇزەگە اسىرىلعان. ەڭ قىزىعى ستانسادا روبوتتار مەن دروندار جۇمىس ىستەيدى. ولار پانەلدەردى تازالاپ, تەكسەرۋ جۇرگىزەدى.