ءبىلىم كوشباسشىلارى انىقتالدى

وقۋ-اعارتۋ مي­نيس­تر­لىگىنىڭ حا­بار­­­­­لا­ۋىن­شا, مەم­­لەكەت باسشىسى قاسىم-جومارت توقاەۆتىڭ باس­تاماسىمەن ەلىمىزدە جاڭا فورماتتاعى كوش­باس­شى­لاردى ىرىك­تەۋ مەن كاسىبي دايارلاۋ جونىندەگى ء«بىلىم بەرۋدەگى وزگەرىستەردىڭ 1000 كوشباسشىسى» جو­با­سى جۇزەگە اسىرىلىپ جاتىر. اتالعان باع­دار­لاماعا ىرىكتەۋ بەس كە­زەڭنەن تۇرادى. ءبىرىنشى كەزەڭدە ۇمىتكەرلەر كاسىبي جانە باسقارۋشىلىق قۇزىرەتتەردى باعالاۋ ءۇشىن تەستىلەۋدەن وتەدى, ەكىنشى كەزەڭدە قاتىسۋشىلار وقۋعا جىبەرىلەدى, ءۇشىن­شى كەزەڭدە ەلدىڭ جەتەك­شى مەكتەپتەرىن­دە تاعى­لىم­دامادان وتەدى, ءتورتىنشى كە­زەڭدە قورىتىن­دى با­عا­لاۋعا قاتىسادى. ال سوڭ­عى بەسىنشى كەزەڭدە مي­نيسترلىك كوميسسيا­سى­مەن اڭگىمەلەسۋدەن وتە­دى. بار­لىق كەزەڭنىڭ ناتي­جە­سى بويىن­شا ءبىلىم ۇيىم­دارى باسشىلارىنىڭ رەس­پۋب­ليكالىق كادرلىق رە­زەرۆى جاساقتالادى.

كەزدەسۋدە ءسوز العان وقۋ-اعارتۋ ءمينيسترى عاني بەي­سەمباەۆ رەزەرۆكە ەنگەن جو­با قاتىسۋشىلارىنىڭ وسى جە­تىس­تىگىمەن قۇت­تىق­تاپ, ءوز كە­زەگىندە باس­شى­لىق قىز­­مەت­تەگى تاجى­ري­بەسىمەن ءبولىستى.

«تاريحتى تۇلعالار جا­سايدى. كەيدە كوپ ادام جال­عىز ەكەنىن العا تارتىپ, كوپ ءىس تىندىرا المايتىنىن ايتىپ جاتادى. شىن مانىندە, ءبىر ادامنىڭ ءوزى كەيدە الەمدى وزگەرتە الاتىنداي كۇش­كە يە بولۋى مۇمكىن. سون­دىقتان قازىر ىرىكتەلىپ وتىرعان بولاشاق مەكتەپ باسشىلارىنا ۇلكەن ءۇمىت ارتىپ, ەلىمىزدەگى ءبىلىم سالاسىن جوعارى دارەجەگە كوتەرۋ جولىندا ايانباي ەڭبەك ەتەدى دەپ سەنەمىن. ءبىلىم سالاسىندا كوپ رەفورمانى باس­تان كەشتىك. سول جولدا ءبىر نارسەگە انىق كوز جەتكىزدىك, ءبىز ءبىلىم سالاسىنداعى باس­شىلاردىڭ كاسىبي دەڭگەيىن وسىرمەي, ءبىلىم ساپاسىن كوتەرە المايمىز. ءوز تاجىريبەمنەن ايتار بولسام, ءبىرىنشى باسشى بولۋ قاشاندا وڭاي ەمەس. مەنى 25 جىل بۇرىن ­5 جىلدا 13 ادام اۋىسقان, باس­شى تۇراق­تاماعان مەك­­­تەپكە ديرەك­تور ەتىپ قوي­دى.­ ارىز جازىپ, شى­عا­رىپ تاستايدى, كەي­بىرى ءوزى كەتەدى. مەنى دە 3 اي­دا كەتەدى دەپ ويلاعان, بىراق سول جەردە ەشبىر قىز­مەت­كەردى شىعارماي, 3 جىل جۇمىس ىستەدىم. ەڭ سو­ڭىندا جۇرگەن مەكتەپ بۇ­رىن­عى مۇعالىمدەرىمەن-اق وبلىس­تاعى الدىڭعى وقۋ وشا­عى­نىڭ بىرىنە اينالدى. باس­شى ۇجىمعا اشىق, بارلىق قىز­مەتكەرگە بىردەي قا­رايتىن ءادىل ءارى ادال بول­عان كەزدە ءىس ورگە باسادى», دەدى مينيستر.

جاۋاپتى مينيسترلىككە قا­راستى ورتا ءبىلىم كو­مي­تەتىنىڭ توراعاسى قانى­بەك جۇ­ماشەۆ وسى جىلى جو­با­نىڭ العاشقى كەزەڭىنە 13 796 ۇمىتكەر تىركەلگەنىن, بۇل وتكەن جىلمەن سالىس­تىرعاندا 2,5 ەسە كوپ ەكەنىن جەتكىزدى.

«العاش رەت وتكەن جىلى ء«بىلىم بەرۋدەگى وزگە­­رىس­تەر­دىڭ 1000 كوش­باسشىسى» اتتى جاڭا جوبا قولعا الىندى. بۇل جوبا پرەزيدەنتتىك جاس­تار كادر­لىق رەزەرۆى سياقتى ءبىلىم سالاسىندا كادرلىق رەزەرۆتى قالىپتاستىرۋعا باعىتتالعان. بۇرىن وتان­دىق ءبىلىم جۇيەسىندە مەكتەپ باسشىلارىن تاعايىن­داۋ كونكۋرس ار­قىلى جانە نەگىزىنەن مامانداردىڭ بى­لىك­تىلىگىنە, ەڭبەك وتىلىنە قاراي ۇيىم­داستىرىلاتىن. بىراق الەمدىك تاجىريبەنى زەرتتەي كەلە وزىق ەلدەردەگى ءبىلىم ۇيىمدارىندا باسشىلاردى تاعايىنداۋ ارنايى دايىندىق كەزەڭدەرىنەن وتكەننەن كەيىن عانا جۇزەگە اساتىنىن بىلدىك. سونداي ناتيجەلى ۇلگىنى زەردەلەپ, وقۋ-اعارتۋ مينيسترلىگى ارنايى باعدارلاما جاساپ, 4 ساتىدان وتەتىن وقىتۋدى ۇيىمداستىردى. بىلتىر جوباعا 8 مىڭنان اسا مەكتەپ ديرەكتورلارىنىڭ ورىنباسارى قاتىسىپ, 4 ساتىلى وقىتۋدان ءوتىپ, ەڭ سوڭعى كادر­­لىق رەزەرۆكە 207 ادام ەندى. ياعني بۇل وقۋدىڭ وڭاي ەمەسىن, تالاپتىڭ جوعارى ەكەنىن كورسەتەدى. سول بىلتىر رەزەرۆكە ەنگىزىلگەن 207 ماماننىڭ 170-ءى بۇگىندە مەكتەپ ديرەكتورلىعىنا كونكۋرسسىز تاعايىندالدى ءارى ولارعا «جوعارى دەڭ­گەي­دەگى باسشى» دەگەن بىلىك­تىلىك ساناتى بەرىلىپ, سوعان ساي جالاقىسى 2 ەسەگە دەيىن وسەدى. جوبانىڭ نەگىزگى ماقساتى – باسقارۋ جۇيەسىن كۇشەيتۋ, سول ارقىلى ءبىلىم ساپاسىن ارتتىرۋ. بيىل ء«بىلىم بەرۋ­دەگى وزگەرىستەردىڭ 1000 كوش­باسشىسى» ءوز جالعاسىن تاپتى. وسى جولى 13 مىڭنان اسا ادام قاتىسىپ, 4 ساتىلى وقۋدان ءوتىپ, سوڭعى سەرتي­فيكات تاپسىرۋ راسىمىنە 376 ادام عانا جەتتى. جو­با­نىڭ بىلتىرعىدان ايىر­ما­شىلىعى – بيىل مەكتەپ ديرەكتورلىعىنان ءۇمىت­تى باسشى ورىنباسار­لارىن عانا ەمەس, قا­تار­داعى پەداگوگتەردى دە قا­تىس­تىردىق. ويتكەنى قارا­پايىم مۇعالىم دە قابىلەتى جەت­سە, باسشى بولا الادى», دەي­دى كوميتەت تور­اعا­سى ق.جۇماشەۆ.

مينيسترلىكتىڭ دەرە­گىنە سۇيەنسەك, بارلىق بەس كە­زەڭ­نىڭ قورىتىندىسى بو­يىنشا رەسپۋبليكالىق كادر رەزەرۆىنە وتكەن, ياعني با­لا­باقشالار, مەكتەپتەر مەن كوللەدجدەردىڭ باس­­شىلارى لاۋازىمدارى­نا ۇسىنىلعان 376 كا­ن­دي­داتتىڭ 11-ءى مەكتەپكە دە­يىن­گى ۇيىمداردىڭ, 316-سى ورتا ءبىلىم بەرۋ ۇيىم­­دا­رىنىڭ, 49-ى تەح­ني­كا­لىق جانە كاسىپتىك ءبىلىم بەرۋ ۇيىمدارىنىڭ قىز­مەتكەرلەرى. وقۋدان, تا­عىلىمدامادان جانە اڭ­گى­مەلەسۋدەن وتكەن ۇمىت­كەر­لەرگە سەرتيفيكات بەرى­لەدى. سونىڭ نەگىزىندە ودان ءارى جۇمىسقا ورنا­لا­سۋ ءۇشىن ولار كادر رەزەرۆىنە الىنادى. رەزەرۆتەگىلەر ءبىرىنشى باسشىنىڭ بوس لاۋازىمىنا كونكۋرس­تىق راسىمدەردەن وتپەي تاعايىندالادى.