قاۋىپسىزدىك ماسەلەسى پىسىقتالدى

وبلىس ەلدى مەكەندەردەگى سۋ تاسقىنىنىڭ الدىن الۋ جۇ­مىستارى جوسپارعا ساي­كەس بۇگىنگى كۇنى 80 پايىزعا ورىن­دال­عان. بورودۋليحا جانە كوكپەكتى اۋدان­دارىنداعى قاۋىپتىڭ الدىن الۋ شارالارى قاراشا ايىنىڭ سوڭىنا دەيىن اياقتالادى. توتەنشە جاعدايعا دايىن­دىق جۇمىسىن جانداندىرۋ ماقساتىندا ارنايى قۇرىلىمدىق كۇش­تەر مەن تەحنيكالىق قۇرالدار توبى قۇرىلدى. 1345 ادام, 460 تەحنيكا, 19 ءجۇزۋ قۇرالدارى, سونداي-اق 161 سۋ سورۋ قۇ­رىلعىسى دايىندالعان. سونداي-اق تو­تەن­شە جاعدايلار دەپارتامەنتىنىڭ مالى­مەتىنشە, 11 قايىق پەن 2 رەلەفتىك تەحنيكا ساتىپ الىنعان.

«باستى مىندەتىمىز – تۇرعىنداردى كوكتەمگى سۋ تاسقىنىنان قورعاۋ. بۇل باعىتتا جۇيەلى جۇمىس جۇرگىزىلىپ جاتىر. ناقتى ايتقاندا, تەحنيكا­لار جاڭارتىلىپ, قۇتقارۋشىلار توبى كۇشەيتىلدى. گيدروتەحنيكالىق قۇ­­رىلىستاردى نىعايتۋ شارالارى جۇزەگە اسىرىلدى. وبلىس 2025 جىلعى سۋ تاسقىنى كەزەڭىنە تولىق دايىن بولۋى كەرەك. قالا مەن اۋدان اكىمدەرىنە سۋ تاسقىنىنا دايىندىق ماسەلەلەرىن قاتاڭ باقىلاۋدا ۇستاۋدى تاپسىرامىن», دەدى ن.ۇرانحاەۆ.

اباي وبلىسىنىڭ اۋماعىندا بۇ­گىندە سۋ قويمالارى, بوگەتتەر مەن سۋ شارۋاشىلىعى قۇرىلىستارىن قوسا العاندا 38 تىرەك گيدروتەحنيكالىق نىسان بار. 2025 جىلى ەكى سۋ قويماسى مەن ءتورت سۋ جيناۋ توعانىن قايتا جاڭعىرتۋدىڭ جوبالىق-سمەتالىق قۇجاتتاماسىن ازىرلەۋ جوسپاردا تۇر. بۇل جۇمىستار ۇكىمەت قاۋلىسىمەن بەكىتىلگەن سۋ سالاسىن دامىتۋدىڭ كەشەندى جوسپارىن جۇزەگە اسىرۋعا, سۋ تاسقىنى كەزىندەگى قاۋىپتى بارىنشا ازايتۋعا, حالىقتىڭ قاۋىپسىزدىگىن ساقتاۋعا مۇمكىندىك بەرەدى.

اباي وبلىسى