2024 جىلعى 25 قاراشاداعى جاعداي بويىنشا 12 835 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارنالعان ارناۋلى الەۋمەتتىك تولەم تاعايىندالدى. اتالعان تولەمدى تاعايىنداۋعا جالپى 13 673 ادام ءوتىنىش بىلدىرگەن, دەپ حابارلايدى Egemen.kz.
ەكى كوزدەن تولەنەتىن ارناۋلى الەۋمەتتىك تولەمگە (رەسپۋبليكالىق بيۋدجەت جانە بىرىڭعاي جيناقتاۋشى زەينەتاقى قورى) 3 151 ادام جۇگىنگەن, ونىڭ ىشىندە 3 037 ادامعا تاعايىندالدى.
ءتورت قارجىلاندىرۋ كوزىنەن بەرىلەتىن تولەمدى (رەسپۋبليكالىق بيۋدجەت, بىرىڭعاي جيناقتاۋشى زەينەتاقى قورى, جۇمىس بەرۋشى جانە ءومىردى ساقتاندىرۋ ۇيىمى) تاعايىنداۋعا 10 522 ادام ءوتىنىش ءبىلدىرىپ, ونىڭ 9 798-ىنە تاعايىندالعان.
سونداي-اق, 351 ازامات ساقتاندىرۋ كومپانياسىمەن زەينەتكەرلىك اننۋيتەت شارتىنىڭ جاسالۋىن كۇتۋدە, 119 ازامات سمس حابارلاماعا جاۋاپ بەرمەگەن. مىندەتتى شارتتاردى ورىنداماعاندىقتان, 368 ءوتىنىش بەرۋشىگە ءاات تاعايىنداۋدان باس تارتىلعان.
وڭىرلەر بويىنشا ارناۋلى الەۋمەتتىك تولەمدەردى الۋعا ءوتىنىش بىلدىرگەندەردىڭ ەڭ كوپ سانى قاراعاندى (2 كوزدەن – 538 ادام, 4 كوزدەن – 1 835 ادام), قوستاناي (2 كوزدەن – 340 ادام, ال 4 كوزدەن – 1 151 ادام) جانە شىعىس قازاقستان (2 كوزدەن – 283 ادام, ال 4 كوزدەن – 1 173 ادام) وبلىستارىندا تىركەلگەن.
بۇرىن حابارلانعانداي 2024 جىلدىڭ 1 قاڭتارىنان باستاپ قازاقستاندا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارناۋلى الەۋمەتتىك تولەم ەنگىزىلدى.
ارناۋلى الەۋمەتتىك تولەم تاعايىنداۋ ءۇشىن 55 جاسقا تولۋ جانە بىرىڭعاي جيناقتاۋشى زەينەتاقى قورىندا (بۇدان ءارى – بجزق) كەمىندە 7 جىل كاسىپتىك زەينەتاقى اۋدارىمدارىنىڭ بولۋى مىندەتتى شارتتار بولىپ تابىلادى. تولەم زەينەتكەرلىك جاسقا دەيىن تولەنەدى. ارناۋلى الەۋمەتتىك تولەمدەردى الۋ ءۇشىن ەڭبەك جاعدايلارى زياندى جۇمىستارمەن اينالىسپاۋعا ءتيىس. جۇمىسكەرلەر جەڭىل جۇمىسقا اۋىسا الادى, سودان كەيىن ولار جالاقى مەن تولەم الادى نەمەسە دەمالىسقا شىعىپ, زەينەتكە شىققانعا دەيىن ارناۋلى الەۋمەتتىك تولەم الادى.
بجزق دەرەكتەرى بويىنشا ارناۋلى الەۋمەتتىك تولەمدى تاعايىنداۋ ءۇشىن مىندەتتى شارتتاردى ەسكەرە وتىرىپ, وعان 2024 جىلى 37 مىڭنان استام جۇمىسكەر ۇمىتكەر بولا الادى, جالپى تولەمنىڭ ورتاشا مولشەرى 208 مىڭ تەڭگەدەن اسادى. ءاربىر جۇمىسكەر ءۇشىن تولەم مولشەرى بجزق-داعى جيناقتارىنا بايلانىستى بولادى.
الەۋمەتتىك كودەكسكە سايكەس جۇمىس بەرۋشىلەر كاسىپتەرى مەن قىزمەت تۇرلەرى ەڭبەك جاعدايلارى زياندى جۇمىستارمەن اينالىساتىن جۇمىسكەرلەردىڭ, وندىرىستەردىڭ, جۇمىستاردىڭ, كاسىپتەردىڭ تىزبەسىنە ەنگىزىلگەن جۇمىسكەرلەر ءۇشىن مىندەتتى كاسىپتىك زەينەتاقى جارنالارىن اۋدارادى, ولاردىڭ 2,3 مىڭنان استام پوزيتسياسى بار. وسىلايشا, ارناۋلى الەۋمەتتىك تولەمدى ەكونوميكانىڭ 17 سالاسىندا, ونىڭ ىشىندە تاۋ-كەن ءوندىرۋ جانە وڭدەۋ ونەركاسىبىندە جانە وزگە دە سالالاردا جۇمىس ىستەيتىن قازاقستاندىقتار الا الادى.