الماتى وبلىسىندا الماتى-قورعاس تاس جولىندا كوكپار ۇيىمداستىرعان جىگىتتەر جاۋاپقا تارتىلدى, دەپ حابارلايدى Egemen.kz.
وبلىس پوليتسەيلەرىنىڭ حابارلاۋىنشا, الەۋمەتتىك جەلىلەرگە مونيتورينگ جۇرگىزۋ بارىسىندا ەڭبەكشىقازاق وبلىسىنىڭ جولدارىندا ءبىر توپ شاباندوزدىڭ جول قوزعالىسى ەرەجەلەرىن ورەسكەل بۇزۋ فاكتىسى انىقتالعان.
«قۇقىق بۇزۋشىلاردى اۋداندىق پوليتسيا قىزمەتكەرلەرى انىقتاپ, پوليتسيا بولىمىنە جەتكىزدى. جاياۋ جۇرگىنشىلەر مەن جول قوزعالىسىنىڭ وزگە دە قاتىسۋشىلارى قوزعالىس ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى», دەلىنگەن حابارلامادا.
كوكپاردى ۇيىمداستىرۋشى ەڭبەكشىقازاق اۋداندىق سوتىنىڭ ۇكىمىمەن 7 تاۋلىككە اكىمشىلىك قاماققا الىنسا, ءتورت قاتىسۋشى 5 تاۋلىككە سوتتالعان. قالعاندارىنا ايىپپۇل سالىندى.