LRT جەلىسى ستانتسيالارىنىڭ تەمىربەتوندى نەگىزگى قۇرىلىستارى 100% اياقتالدى. بۇل تۋرالى CTS رەسمي مالىمدەدى, دەپ حابارلايدى Egemen.kz.
اتقارىلعان جۇمىستار اياسىندا ءمونوليتتى قاڭقالار, كوتەرگىش ارقالىقتار, پلاتفورمالاردىڭ تەمىربەتوندى كونسترۋكتسيالارى, ريگەلدەر جانە باسقا دا ەلەمەنتتەر سالىندى. بۇل ءۇشىن ۆ45 ماركالى 79 971 تەكشە مەتر بەتون مەن 9,59 مىڭ توننا ارماتۋرا قولدانىلدى.
LRT جەلىسى كوپ دەڭگەيلى زالدارى مەن پلاتفورمالارى بار 18 ستانتسيادان تۇرادى, ولار ەكى تۇرگە بولىنەدى: جەردەگى (11 ستانتسيا) جانە جەر ءۇستى (7 ستانتسيا).
جەر ءۇستى ستانتسيالارى سىعاناق كوشەسىندە (2 ستانتسيا), ش. قالداياقوۆ كوشەسىندە (4 ستانتسيا) جانە «نۇرلى جول» تەمىرجول ۆوكزالى اۋدانىندا (1 ستانتسيا) ورنالاسقان ستانتسيالار جولعا ورتالىقتاندىرىلعان ورنالاسۋىمەن ەرەكشەلەنەدى. ستانتسيالارعا قاۋىپسىز كىرۋ ءۇشىن جەرۇستىنەن وتەتىن ەكى وتكەل قاراستىرىلعان. بارلىعى – 14 وتكەل.
بيىل № 101 ستانتسياسىنىڭ (100% دايىن) قاسبەت جۇمىستارى اياقتالدى, وعان 497,51 توننا مەتالل كونسترۋكتسيالارىن ورناتۋ جانە سىرتقى پانەلدەر مەن ۆيتراجداردى قاپتاۋ (4 765 م²) كىرەدى. № 109 جانە № 112 ستانتسيالارىندا 1 210,22 توننا مەتالل كونسترۋكتسيالارى ورناتىلدى.
2025 جىلى بارلىق ستانتسيا قۇرىلىسى تولىعىمەن اياقتالادى دەپ جوسپارلانىپ وتىر. سونىڭ ىشىندە قاسبەتتەردىڭ مونتاجى, جەرۇستىنەن وتەتىن وتكەلدەردىڭ قۇرىلىسى, ىشكى ارلەۋ, جاقىن اۋماقتاردى اباتتاندىرۋ جۇمىستارى جۇرگىزىلەدى.