قىزىلوردا وبلىسى بويىنشا قاجد-نىڭ №60 مەكەمەسىندە تىيىم سالىنعان زاتتاردى وتكىزۋ ارەكەتى انىقتالدى. قاراقشىلىق جاساعانى ءۇشىن جازاسىن وتەپ جاتقان ازاماتقا سالەمدەمە اكەلگەن ايەل ەسىرتكىنى كامپيت ىشىنە جاسىرىپ وتكىزبەك بولعان, دەپ حابارلايدى Egemen.kz.
تەكسەرۋ كەزىندە 12 اق ءتۇستى قاعازعا ورالعان كامپيت پەن ءبىر بەلگىسىز اق ۇنتاق تابىلىپ, قالالىق پوليتسيا باسقارماسىنىڭ جەدەل-تەرگەۋ توبى شاقىرىلعان.
تەرگەۋ بارىسىندا وزىنە ءتان وتكىر ءيىسى بار جاسىل ءتۇستى جانە اق ۇنتاق زاتتار تاركىلەنىپ, سوت-حيميالىق ساراپتاما تاعايىندالدى.
ساراپتاما ناتيجەسىندە تاركىلەنگەن زاتتاردىڭ 31,99 گرامم كەپتىرىلگەن ماريحۋانا جانە 0,41 گرامم مەفەدرون ەكەنى بەلگىلى بولىپ وتىر.
وسىعان بايلانىستى سالەمدەمە جەتكىزۋشىگە قر قىلمىستىق كودەكسىنىڭ 297-بابىنىڭ 1-بولىگى بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ جۇمىستارى جۇرگىزىلىپ جاتىر.