اقتوبە قالالىق پروكۋراتۋراسى مەن قالالىق جۇمىسپەن قامتۋ جانە الەۋمەتتىك باعدارلامالار ءبولىمىن تەكسەرۋ بارىسىندا 1-ءشى جانە 2-ءشى توپتاعى مۇگەدەك 500 ادامنىڭ باسپاناعا مۇقتاجدار رەتىندە تىركەلمەگەندىگىن انىقتادى, دەپ حابارلايدى Egemen.kz.
بۇل فاكتىلەر مۇمكىندىگى شەكتەۋلى ادامداردىڭ قۇقىقتارىن بۇزۋ بولىپ تابىلادى, ويتكەنى بۇل تىركەۋ ولاردى قولجەتىمدى باسپانامەن قامتاماسىز ەتۋدىڭ ءبىر كەپىلى.
زاڭعا سايكەس, جەكە باسپاناسى جوق مۇگەدەكتەر كەيىننەن الەۋمەتتىك باسپانا الۋدى نەمەسە ءومىر ءسۇرۋ جاعدايلارىن جاقسارتۋ ءۇشىن مەملەكەتتىك قولداۋ الۋدى قاجەت ەتەتىندەردىڭ تىزىمىندە بولۋعا قۇقىلى.
سونىمەن قاتار, كونستيتۋتسيا كۇنىنە وراي 39 مۇگەدەككە 1 950 000 تەڭگە كولەمىندە الەۋمەتتىك كومەك كورسەتپەۋ, سونداي-اق 17 ازاماتقا 850 000 تەڭگە كولەمىندە ءبىر رەتتىك تولەم تولەمەۋ فاكتىلەرى انىقتالدى.سونداي-اق, 1-توپتاعى مۇگەدەكتەرگە جەكە وڭالتۋ باعدارلاماسىن ازىرلەمەۋ جانە 200 جوب-سىن ىسكە اسىرماۋدىڭ 152 دەرەكتەرى انىقتالدى.
قازىرگى ۋاقىتتا مۇگەدەكتەردىڭ قۇقىقتارى قالپىنا كەلتىرىلىپ, ولار باسپانا ەسەبىنە الىنىپ, بارلىق قاجەتتى تولەمدەر وتەلدى.