قالانىڭ كوممۋنالدىق قىزمەتتەرى جولداردى, ورتالىق كوشەلەردى, تروتۋارلار مەن ايالدامالاردى تاۋلىك بويى ەكى اۋىسىمدا تازارتۋعا كوشتى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
21 قاراشاداعى تۇنگى اۋىسىمدا 900-دەن استام ارنايى تەحنيكا مەن 300-دەن استام جول جۇمىسشىلارى قار تازالاۋ جۇمىستارىنا تارتىلدى.
ءبىر كۇندە پوليگوندارعا 1408 رەيسپەن 18 مىڭ تەكشە مەتردەن استام قار جەتكىزىلدى.
قالاعا قالىڭ قار تۇسكەننەن بەرى قالادان 43 832-دەن استام رەيسپەن 556 مىڭ تەكشە مەتر قار شىعارىلدى.
ەرەجەگە سايكەس, ەڭ الدىمەن, قالادا كەپتەلىس تۋدىرماۋ ءۇشىن وتە قارقىندى قوزعالىس ۋچاسكەلەرى تازالانادى. سونداي-اق ورتاشا قارقىندىلىعى بار ۋچاسكەلەر-الاڭدار, ۆوكزال ماڭى اۋماقتارى, تروتۋارلار, الەۋمەتتىك نىساندارعا كىرمە جولدار جانە ت. ب. ورىندار قاردان تازارتىلادى.
ورتالىق كوشەلەردە, جولاۋشىلار كولىگى مارشرۋتتارىندا, ايالدامالار مەن تروتۋارلاردا تازالاۋ باسىمدىققا يە.ەلوردادا بىرنەشە جابدىقتالعان قار پوليگوندارى جۇمىس ىستەيدى. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان, مۇندا بەينەباقىلاۋ كامەرالارى ورناتىلعان, جارىقتاندىرۋ قوسىلعان.
«ەلوردا تۇرعىندارى مەن قوناقتارىنان جولداردا اباي بولۋ, قاۋىپسىزدىك ەرەجەلەرىن ساقتاۋ, داۋىلدى ەسكەرتۋ بولعان جاعدايدا الىس ساپارلاردان باس تارتۋ سۇرالادى.توتەنشە جاعداي تۋىنداعان كەزدە «112» تەلەفونىنا حابارلاسىڭىز», دەپ ەسكەرتتى اكىمدىك وكىلدەرى.