پرەزيدەنت قاسىم-جومارت توقاەۆ «لۋكويل» كومپانياسىنىڭ اكتسيونەرى ۆاگيت الەكپەروۆتى قابىلدادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
مەملەكەت باسشىسى كومپانيا اكتسيونەرىمەن ەنەرگەتيكا سالاسىنداعى بىرلەسكەن جوبالاردىڭ جۇزەگە اسىرىلۋ بارىسىن تالقىلادى. پرەزيدەنتكە «لۋكويل» اتقارعان جۇمىستاردىڭ ناتيجەلەرى مەن بولاشاق جوسپارلارى تۋرالى مالىمەت بەرىلدى.
كەزدەسۋدە ءوزارا مۇددەلى ىقپالداستىقتىڭ پەرسپەكتيۆتى باعىتتارى قاراستىرىلدى.
قاسىم-جومارت توقاەۆ «لۋكويل» سياقتى ءىرى كومپانيالارمەن ىنتىماقتاستىقتىڭ تۇراقتى دامۋى ەنەرگەتيكا سالاسىن جاڭعىرتۋعا جانە ەلىمىزدىڭ ەكونوميكالىق الەۋەتىن نىعايتۋعا سەپتىگىن تيگىزەتىنىن ايتتى.