ۋكراينادا ارتيللەريالىق اتقىلاۋ مەن اۋە شابۋىلدارى جيىلىگىنىڭ ارتۋىنا بايلانىستى, قاۋىپسىزدىك ماقساتىندا قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا بەلسەندى ۇرىس قيمىلدارى جۇرگىزىلىپ جاتقان جەرلەرگە جاقىن ورنالاسقان اۋماقتاردى قالدىرۋدى نەمەسە ۋكراينادان كەتۋ مۇمكىندىگىن قاراستىرۋدى ۇسىندى, دەپ حابارلايدى Egemen.kz.
ەلشىلىك بارلىق ازاماتتاردى قاۋىپسىزدىك شارالارىن ساقتاۋعا جانە رەسمي ورگانداردىڭ ۇسىنىستارىن ورىنداۋعا شاقىرادى.
«ۋكراينادان قازاقستانعا بارۋ ءۇشىن قازاقستان رەسپۋبليكاسىنىڭ ازاماتتارى جەر ءۇستى باعىتتارىن: پولشا نەمەسە مولدوۆا ارقىلى - ودان ءارى كوممەرتسيالىق اۋە قاتىناسىن پايدالانا الاتىنىن اتاپ وتەمىز. پولشا ارقىلى شىققان جاعدايدا قازاقستان ازاماتتارىندا شەنگەن ۆيزاسى بولۋى قاجەت. مولدوۆاعا كىرۋ ءۇشىن ۆيزا قاجەت ەمەس», دەلىنگەن حابارلامادا.